پاکستان شوبز انڈسٹری کی مشہور و معروف اداکارہ ژالے سرحدی نے کہا ہے کہ وہ بچپن میں دل پھینک تھیں، انہیں اسکول جاتے وقت کوئی نہ کوئی پسند آجایا کرتا تھا اور ہر کوئی ان کا ’کرش‘ ہوتا تھا۔

حال ہی میں اپنے دیے گئے ایک انٹرویو میں اداکارہ ژالے سرحدی کا کہنا تھا کہ ان کا تعلق شوبز گھرانے سے ہے اور ان کے گھر کے تقریبا تمام افراد گلوکاری بھی کرتے رہے لیکن پروفیشن کے طور پر صرف انہوں نے گلوکاری کو آگے بڑھایا۔

انہوں نے پروگرام میں بات کرتے ہوئے انکشاف کیا کہ دراز قد کی وجہ سے بعض مرتبہ دوران شوٹنگ خود کو مرد اداکاروں سے چھوٹا دکھانے کے لیے وہ ٹانگیں پھیلا کر منظر ریکارڈ کرواتی رہی ہیں۔

ان کا کہنا تھا کہ ان کا قد 5 فٹ انچ ہے اور انہوں نے متعدد ایسے اداکاروں کے ساتھ کام کیا جن کا قد ان سے چھوٹا تھا، بعض دراز قد اداکار بھی قد میں ان سے ایک انچ چھوٹے تھے۔

ایک سوال کے جواب میں اداکارہ کا کہنا تھا کہ انہیں فلموں میں تشدد کے مناظر ریکارڈ کروانا بہت پسند ہے اور وہ خوش قسمت ہیں کہ انہوں نے فلموں اور ڈراموں میں ہر طرح کے کردار ادا کیے ہیں۔

ژالے سرحدی نے خواہش ظاہر کی کہ انہیں کوئی ڈبل کردار دیا جانا چاہئیے، ان کی خواہش ہے کہ وہ کسی ڈرامے یا فلم میں ڈبل رول ادا کریں اور انہوں نے بعض ہدایت کاروں کو ایسی درخواست بھی کر رکھی ہے۔

زندگی کی پہلی محبت سے متعلق پوچھے گئے سوال پر انہوں نے کہا کہ انہیں پہلی محبت چوتھی کلاس میں پڑھنے کے دوران ہوئی تھی۔

ان کا کہنا تھا کہ وہ جب اسکول میں پڑھتی تھیں تب انہیں کوئی نہ کوئی پسند آجایا کرتا تھا اور کوئی نہ کوئی ان کا ’کرش‘ بن جاتا تھا۔

اداکارہ ژالے سرحدی کے مطابق انہیں اسکول کے زمانے میں اپنے کلاس فیلوز سے محبت ہوئی لیکن اسکول تبدیل ہوتے ہی ان کی مذکورہ محبت ختم ہوگئی اور پھر نئے اسکول میں نئی کہانی شروع ہوئی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/448183/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/448183/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں