بالی وڈ اداکار سیف علی خان کی بہن اداکارہ سوہا علی خان نے 4 اکتوبر کو اپنی 45 ویں سالگرہ منا لی۔

سوہا علی اداکارہ شرمیلا ٹیگور اور کرکٹ کھلاڑی منصورعلی خان کی بیٹی اور اداکار سیف علی خان کی چھوٹی بہن ہیں۔

گزشتہ روز اداکارہ سوہا علی نے اپنی سالگرہ کی تصاویر انسٹاگرام پر شیئر کی تھیں۔

سوہا علی کی جانب سے شیئر کی جانے والی تصاویر میں اداکارہ کو اپنے شوہر اداکار کنال کے ہمراہ دیکھا جا سکتا ہے۔

جبکہ ایک تصویر میں اداکارہ سوہا کے شوہر اپنی اہلیہ کی سالگرہ کے موقع پر کھانا بناتے ہوئے نظر آ رہے ہیں۔

اداکار کنال کیمو نے اپنے انسٹاگرام پر اہلیہ کے ہمراہ تصویر پوسٹ کی اور کیپشن میں سوہا کو سالگرہ کی مبارکباد دیتے ہوئے لکھا کہ ’’ سالگرہ مبارک ہو میری خوبصورت‘‘۔

انسٹاگرام پر اداکارہ کی جانب سے پوسٹ کی جانے والی تصاویر پر بالی انڈسٹری سمیت دیگر مداحوں کی جانب سے اداکارہ کو سالگرہ کی مبارکباد دی جا رہی ہیں۔

 بالی وڈ اداکارہ نیہا دھوپیا نے سوہا علی کی تصویر پر کمنٹ کرتے ہوئے اداکارہ کو سالگرہ کی مبارکباد دی ساتھ ہی نیک خواہشات کا اظہار بھی کیا۔

 واضح رہے سوہا علی نے اپنے  کیریئر کا آغاز رومانوی مزاحیہ فلم دل مانگے مور سے سن 2004 میں کیا تھا جبکہ سن 2006 میں ڈراما فلم رنگ دے بسنتی اداکاری کی کامیابی کی وجہ بنی تھی تاہم اداکارہ ہندی، بنگالی اور انگریزی فلموں میں بھی کام کرچکی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/10/452658/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/452658/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں