بالی وڈ کی دو نامور اداکارائیں رانی مکھرجی اور کاجول 16 سال کے بعد دوبارہ ایک ساتھ ٹی وی اسکرین پر جلوہ گر ہوں گی۔

بھارتی میڈیا رپورٹس کے مطابق نامور فلمساز اور میزبان کرن جوہر کے مقبول ترین ٹاک شو کافی ود کرن کے آٹھویں سیزن میں اداکارہ رانی مکھرجی اور کاجول 2007 کے بعد دوبارہ ایک ساتھ بطورمہمان شرکت کر رہی ہیں۔

ذرائع کے مطابق کاجول اور رانی مکھرجی نے کرن جوہر کے ٹاک شو میں  ایک ساتھ  بطور مہمان شرکت کی منظوری دے دی ہے۔

رانی اور کاجول دونوں، جوکہ آپس میں کزن بھی ہیں، آخری مرتبہ سال 2007 میں شاہ رخ خان کے ساتھ اس شو میں جلوہ گر ہوئی تھیں۔

یہ بھی پڑھیں: کافی ود کرن میں کونسی شادی شدہ جوڑی شرکت کریگی؟

سوشل میڈیا پر یہ خبریں بھی گردش کررہی ہیں کہ کافی ود کرن کے سیزن 8 میں شاہ رخ خان بھی اپنی صاحبزادی سوہانا خان کے ساتھ مہمان بن کر آئیں گے۔

اس کے علاوہ کرینہ کپور خان اور عالیہ بھٹ، روہت شیٹی اور اجے دیوگن، سنی دیول اور بوبی دیول کی جوڑیاں بھی اس شو کے مہمانوں کی فہرست میں شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/469363/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/469363/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں