حمائمہ ملک پاکستان شوبز انڈسٹری کی ایک باصلاحیت اداکارہ ہیں جنہوں نے کئی سپر ہٹ ڈراموں اور  فلموں میں اپنی لازوال اداکاری سے خوب شہرت حاصل کی ہے۔

حمائمہ ملک نے محض چودہ برس کی عمر میں بطور ماڈل اپنے کیریئر کا آغاز کیا، جبکہ ڈارمہ عشق جنون دیوانگی سے اداکاری کے میدان میں قدم رکھا، تاہم شعیب منصور کی فلم بول سے انہیں بے پناہ شہرت ملی اور فلم میں ان کے کردار کو بے حد سراہا گیا جس کے بعد انہیں بہترین اداکارہ کے ایوارڈ سے بھی نوازا گیا۔

حمائمہ ملک کے کئی کامیاب پروجیکٹس میں بارش کے آنسو، اکبری اصغری، تنویر فاطمہ بی اے، تعلق، جنڈو جبکہ مشہور فلموں میں بول، عشق خدا، دیکھ مگر پیار سے، دی لیجنڈ آف مولا جٹ شامل ہیں۔

حمائمہ ڈراموں اور فلموں میں اپنے چیلنجنگ کرداروں کے لیے مشہور ہیں انہوں نے ہمیشہ ہی لازوال کردار ادا کیے ہیں، گزشتہ برس حمائمہ نے دی لیجنڈ آف مولا جٹ میں بے رحم دڑو کا کردار نبھا کر سب سے داد وصول کی، جبکہ ایک نجی ٹی وی کے ڈرامے جنڈو سے انہوں نے دوبارہ چھوٹی اسکرین پر اپنے آپ کو  منوایا ہے واضح رہے کہ یہ ڈرامہ ابھی نشر کیا جارہا ہے۔

حمائمہ نے حال ہی میں ایک نجی ٹی وی کو دیئے جانے والے اپنے انٹر ویو میں ڈرامہ جنڈو کے بارے میں چند نا معلوم حقائق سے پردہ اٹھایا۔انہوںے کہا کہ جنڈو کے کردار کے لیے ان کا انتخاب انتہائی آخری مراحل میں کیا گیا اس کی وجہ یہ تھی یہ کردار پہلے آمنہ شیخ کو پیش کیا گیا تاہم انہوں نے اپنی نجی مصروفیات کی بنا پر اس ڈرامے میں کام کرنے سے معذرت کر لی کیونکہ ان کا بچہ ابھی بہت چھوٹا ہے، اس کے بعد یہ کردار حمائمہ کو پیش کیا گیا تو انہوں نے اسے قبول کر لیا۔

انہوں نے مزید کہا کہ انہیں ڈرامے کے لیے ایک نئی زبان سیکھنی پڑی اور اس میں بہت سارے ایکشن سیکونس تھے جس کی وجہ سے جنڈو میں کام کرنا ان کے لیے بہت دلچسپ رہا۔

حمائمہ نے یہ بھی بتایا کہ ان سے کچھ مشکل سین بھی شوٹ کروائے گئے۔ جیسے جب انہیں جنڈو کے شوہر کی موت کا سین شوٹ کرنا تھا اور جب وہ اس کی لاش گھر لے گئی تو اس کے لیے پرفارم کرنا بہت جذباتی اور مشکل تھا۔ اںہوں نے ان جذبات کو محسوس کیا جو اس طرح کی ایک عورت پر گزرسکتے ہیں جب وہ صحرا سے گزر رہی ہوتی ہیں اور یہ ان کے لیے ایک چیلنجنگ منظر تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/481912/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/481912/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں