بالی وڈ کے سپراسٹار سلمان خان نے اپنی نئی فلم  ’ٹائیگر 3 ‘ کے لیے نامور بھارتی گلوکار اریجیت سنگھ کے ساتھ اپنے پہلے گانے کا اعلان کیا ہے۔

سلمان خان نے اپنے انسٹا گرام پر اس گانے کی تصویر شیئر کی اور ساتھ ہی کیپشن میں لکھا کہ ’ پہلے گانے ’لے کے پربھو کانام‘ کی پہلی جھلک ، یہ ہے اریجیت سنگھ کا پہلا گانا میرے لئے‘۔

بھارتی میڈیا کے مطابق سلمان خان اور اریجیت سنگھ میں تقریباً ایک دہائی کے بعد صلح ہوگئی ہے۔

اریجیت سنگھ اور سلمان خان کا جھگڑا 2014 میں ایک ایوارڈ شو کی تقریب کے دوران ہوا تھا، اس جھگڑے کے بعد سلمان خان نے اپنی فلم ’کک‘، ’بجرنگی بھائی جان‘ اور ’سلطان‘ سے گلوکار کے تمام گانے ہٹا دئیے تھے۔

 2016 میں ارجیت سنگھ نے سلمان خان سے معافی مانگ کر فلم ’سلطان‘ میں اُن کا گانا برقرار رکھنے کی درخواست کی تھی لیکن سلمان خان نے گلوکار کی معافی پر کوئی جواب نہیں دیا تھا۔

واضح رہےکہ فلم ’ٹائیگر 3‘ دیوالی کے موقع پر 12 نومبر کو ہندی، تامل اور تیلگو زبان میں دنیا بھر میں ریلیز کی جائے گی۔

اس میگا ایکشن اور تھرلر فلم میں سُپر اسٹار سلمان خان اور کترینہ کیف مرکزی کرداروں جبکہ عمران ہاشمی پہلی بار منفی کردار میں نظر آئیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/490125/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/490125/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں