بالی ووڈ فلم انڈسٹری کی معروف اداکارہ و ماڈل اروشی روٹیلا کا پاکستان اور بھارت کے درمیان احمد آباد میں ورلڈ کپ 2023ء کے حالیہ بڑے معرکے کے موقع پر 24 قیراط کا سونے کا آئی فون گُم ہوگیا تھا۔

اداکارہ نے سوشل میڈیا پر مداحوں سے درخواست کی تھی کہ میرا 24 قیراط گولڈ والا آئی فون کھو گیا! اگر کسی کو یہ فون نظر آجائے تو برائے مہربانی میری مدد کرتے ہوئے مجھ سے جلد از جلد رابطہ کرے۔

اب اروشی روٹیلا کو ایک ای میل موصول ہوئی ہے، ای میل کرنے والے شخص نے دعویٰ کیا ہے کہ اداکارہ کا مہنگا ترین آئی فون اُس کے پاس ہے جس کو وہ مدد یا احسان کے بغیر واپس نہیں کرے گا۔

اُس شخص کا کہنا تھا کہ اگر آپ اس کی واپسی چاہتی ہیں تو میری مدد کریں اور میرے بھائی کو کینسر سے بچائیں۔

اداکارہ اروشی روٹیلا نے اس ای میل کا ایک اسکرین شاٹ سوشل میڈیا کی فوٹو اینڈ ویڈیو شیئرنگ ایپ انسٹاگرام اسٹوری پر شیئر کیا ہے اور پُرستار کی درخواست کو تسلیم کرلیا ہے۔

خیال رہے کہ اس فون کی قیمت لگ بھگ ایک کروڑ روپے ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/523005/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/523005/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں