بالی وڈ کی بلاک بسٹر رومانوی فلم ’جب وی میٹ‘ کے سیکوئل کے حوالے سے ہدایت کار امتیاز علی کا اہم بیان سامنے آ گیا ہے۔

2007 میں ریلیز ہونے والی فلم جب وی میٹ میں اداکار شاہد کپور اور کرینہ کپور خان نے آدتیہ اور گیت کے کردار ادا کرکے سب کے دل جیت لئے تھے اور آج بھی  یہ کردارسب کے دلوں میں زندہ ہیں۔

 بھارتی میڈیا رپورٹس کے مطابق شاہد کپور اور کرینہ کپور کے مداح انہیں ایک بار پھر فلم جب وی میٹ کے سیکوئل میں ایک ساتھ دیکھنے کے خواہشمند ہیں۔

 سوشل میڈیا پر یہ قیاس آرائیاں ہونے لگی کہ  جب وی میٹ 2 بنانے کی تیاری کی جا رہی ہے، جسے اشٹاوینائک کے مالک راج مہتا گندھار پروڈیوس کریں گے جبکہ پہلی فلم کی طرح اس کا سیکوئل بھی امتیاز علی ہی ڈائریکٹ کریں گے۔

 میکرز کی جانب سے جب وی میٹ 2 کے حوالے سے کوئی باضابطہ اعلان نہیں کیا گیا ہے۔

اس کے بعد یہ سوال بھی گردش کرنے لگا کہ کرینہ کپور خان اور شاہد کپور ہی  سیکوئل میں بالترتیب گیت اور آدتیہ کے کردار کو دوبارہ ادا کریں گے؟۔

فلم کے ہدایت کار امتیاز علی سے جب اس حوالے سے پوچھا گیا تو انہوں نے سیکوئل سے لاتعلقی کا اظہار کرتے ہوئے بتایاکہ میری معلومات کے مطابق جب وی میٹ 2 نہیں بن رہی ۔

واضح رہےکہ امتیاز علی بھارتی فلم انڈسٹری کے سب سے مشہور فلم سازوں میں سے ایک ہیں ، جو اب تک  ‘سوچا نہ تھا’، ‘ہائی وے’، ‘جب وی میٹ’اور ‘تماشا’  جیسی ہٹ فلمیں بنا چکے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/10/535416/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/535416/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں