بالی ووڈ کے معروف اداکار ہریتھک روشن نے فٹنس حاصل کرنے اور اس کے سفر کے متعلق اپنے مداحوں کو بتایا ہے۔

غیرملکی خبر رساں ادارے کے مطابق اداکار جو کہ صحت کے مسائل کا شکار تھے حال ہی میں اپنے انسٹاگرام پوسٹ کے ذریعے اپنی فٹنس حاصل کرنے کے سفر کے متعلق ایک پوسٹ شیئر کی ہے۔

پوسٹ میں اداکار نے اپنی تصاویر بھی شیئر کیں جس میں ان کی جسمانی تبدیلیوں کو دیکھا جاسکتا ہے ۔

اداکار نے اپنے اس سفر کے متعلق بات کرتے ہوئے یہ بھی بتایا کہ وہ ایسا اس لیے کرتے ہیں کیونکہ ان کے فلمی کردار بعض اوقات انہیں ایک خاص انداز اپنانے کا چیلنج دیتے ہیں، اور انہیں چیلنجز پسند ہیں۔

پوسٹ کے ذریعے اداکار نے اس سفر میں درپیش مشکلات کا بھی ذکر کیا اور ساتھ ہی ساتھ اپنی دیرینہ دوست صبا آزاد کا بھی شکریہ ادا کیا ۔

ہریتھک روشن نے بتایا کہ صبا آزاد نے اس پورے سفر میں ان کی بےحد حوصلہ افزائی کی ہے۔

اگست سے اکتوبر تک کے اس سفر میں اداکار نے بہت سی مشکلات کا سامنا کیا جس میں ان کے فٹنس ٹرینر سمیت ان کی پوری ٹیم نے ان کا بہت ساتھ دیا ۔

اداکار کی اس پوسٹ پر ان کی دیرینہ دوست صبا آزاد نے بھی اپنے خیالات کا اظہار کرتے ہوئے ان کی تعریف کی ۔

خیال رہے کہ ہریتک روشن، اپنی آنے والی فلم ’فائٹر‘ کے لیے تیاری کر رہے ہیں جس میں ان کے ہمراہ دیپیکا پڈوکون بھی ہونگی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/555000/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/555000/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں