پاکستان شوبز انڈسٹری کی معروف اداکارہ ثروت گیلانی کے گھر تسیرے ننھے مہمان کی آمد متوقع ہے۔

حال ہی میں اداکارہ ثروت گیلانی نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر اپنی فلم ’جوائے لینڈ‘ کے دیگر فنکاروں کے ہمراہ تصاویر شیئر کیں جس میں انہوں نے اپنے گھر آنے والے تسیرے ننھے مہمان کی آمد کا اعلان کیا۔

اداکارہ نے کالے لباس میں اپنی تصاویر شئیر کرتے ہوئے کیپشن میں لکھا کہ “نئے مہمان کی آمد کا اعلان کرنے کے لیے اس سے بہتر کوئی تصویر نہیں ہو سکتی، ہم سب خوشی منا رہے ہیں اور آنے والی خوشی کے منتظر ہیں”۔

شیئر کی گئی تصاویر میں اُن کے قریبی دوست، اداکار و ہدایت کار سرمد کھوسٹ، فلم ساز صائم صادق اور علینہ خان سمیت دیگر کو بھی دیکھا جا سکتا ہے۔

ثروت گیلانی کی انسٹاگرام پوسٹ پر نامور فنکاروں نے مبارکباد پیش کی جبکہ مداحوں کی جانب سے بھی نیک خواہشات کے اظہار کا سلسلہ جاری ہے۔

واضح رہے کہ ثروت گیلانی نے اداکار اور نامور پلاسٹک سرجن فہد مرزا سے 2014 میں شادی کی تھی، جوڑے کے دو بیٹے بھی ہیں، جن میں روحان مرزا کی پیدائش 2015 اور عریز محمد مرزا 2017 میں پیدا ہوئے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/576024/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/576024/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں