بالی ووڈ کے دو معروف اداکار سنیل شیٹی اور سنجے دت صرف ساتھی اداکار ہی نہیں بلکہ اچھے دوست بھی ہیں اور ان کی جوڑی بھی کافی مشہور ہے۔

غیر ملکی خبر رساں ادارے کی رپورٹ کے مطابق اداکار سنیل شیٹی نے سنجے دت کے ساتھ اپنی دوستی کے متعلق بات کرتے ہوئے کہا کہ ہم دونوں ایک ساتھ کمال کی جوڑی ہیں اور سنجے کے ساتھ کام کرنے میں بھی بہت مزہ آتا ہے۔

انہوں نے مزید کہا کہ ہم وہ دوست ہیں جو ہمیشہ اچھی طرح سے ملتے ہیں اور ایک دوسرے کے ساتھ بہت پرسکون رہتے ہیں اور جب ہم ایک ساتھ شوٹنگ کر رہے ہوتے ہیں تو پورا سیٹ پرسکون ہو جاتا ہے۔ سنجے بڑے دل والے ہیں اور جو کہتے ہیں ویسا ہی کرتے ہیں۔

رپورٹ میں بتایا گیا ہے کہ دونوں اداکار نے حال ہی میں ایک نجی شو میں ایک ساتھ شرکت بھی کی جس کے متعلق بات کرتے ہوئے سنیل شیٹی نے کہا کہ سنجے میں ایک خاص قسم کا مزاح کا احساس ہے، ہم دونوں کا ستارہ بھی ایک ہی ہے  اور ہم دونوں ہی قدرتی نظاروں سے لطف اندوز ہوتے ہیں ۔

انہوں نے سنجے کے ساتھ اپنے گزارے گئے وقت کے حوالے سے کہا کہ ان کے خیال میں وہ ایک جادوئی وقت تھا۔

اس موقع پر سنیل شیٹی نے فلم انڈسٹری میں بدلتے ہوئے رجحانات پر اپنے خیالات کا اظہار کیا اور کہا کہ آج انڈسٹری کی اپنی کوئی آواز نہیں ہے، کوئی بھی کسی کے متعلق ہونے والی غلط بات پر کھڑا نہیں ہوتا، سب کچھ کمزور ہو گیا ہے کیونکہ ایک دوسرے کا دفاع کرنے کے لیے اب کوئی نہیں ہے۔

رپورٹ کے مطابق معروف اداکار سنیل شیٹی اور سنجے دت کی یہ جوڑی بھارتی شو اسٹار بمقابلہ فوڈ سروائیول میں ایک ساتھ مختلف کام کرتے ہوئے نظر آئیں گے۔

سنیل اور سنجے کو 2010 میں ریلیز ہونے والی فلم نو پرابلم میں ایک ساتھ اسکرین پر دیکھا گیا تھا، لیکن یہ جوڑی فلم کانٹے، دس، اور شوٹ آؤٹ ایٹ لوکھنڈ والا جیسی ایکشن فلموں میں ایک ساتھ کام کرنے کے لیے مشہور ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/591173/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/591173/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں