بھارت کے معروف ہدایتکار کرن جوہر کی ہدایتکاری میں بننے والی پہلی فلم ’کچھ کچھ ہوتا ہے‘ کو 25 سال مکمل ہوچکے ہیں اور اس موقع پر فلم میں مرکزی کردار ادا کرنے والی کاجول نے اپنے جذبات کا اظہار کیا ہے۔

غیر ملکی خبر رساں ادارے کے مطابق فلم کی سلور جوبلی کے موقع پر اداکارہ نے خود کو ’انجلی‘ کے طور پر پیش کرتے ہوئے ایک ویڈیو پوسٹ کی ہے۔

ویڈیو کے ساتھ اداکارہ نے فلم سے جڑی یادوں کو یاد کرتے ہوئے اپنے جذبات کو بھی قلم بند کیا ہے۔

دوسری جانب کرن جوہر نے بھی کچھ کچھ ہوتا ہے کی 25 ویں سالگرہ کے موقع پر مداحوں کی محبت اور حمایت کے لیے شکریہ ادا کرتے ہوئے ایک پوسٹ شیئر کی۔

رپورٹ کے مطابق 15 اکتوبر کو، شاہ رخ خان، رانی مکھرجی اور کرن جوہر نے 1998 میں ریلیز ہونے والی فلم کی زبردست کامیابی کا جشن منانے کے لیے منعقدہ خصوصی اسکریننگ تقریب کا دورہ کیا جس میں کاجول شرکت نہیں کر سکیں۔

اس موقع کی کئی ویڈیوز سوشل میڈیا پر موجود ہیں جس میں سے ایک میں رانی مکھرجی کو کرن جوہر کا شکریہ ادا کرتے ہوئے دیکھا جاسکتا ہے۔

Rani Mukerji recalls her being only 17 when she did #KuchKuchHotaHai while expressing her gratitude for all that the film has given her❤️@iamsrk#25YearsOfKKHH #ShahRukhKhan #RaniMukerji #KaranJohar pic.twitter.com/DwfWGVcF4b

— Shah Rukh Khan Universe Fan Club (@SRKUniverse) October 15, 2023

ایونٹ کی ایک اور ویڈیو میں کرن جوہر کو شاہ رخ خان کی تعریف کرتے ہوئے اور ان کا شکریہ ادا کرتے دیکھا جا سکتا ہے۔

In a heartwarming moment Karan Johar calls SRK the “Emperor of Entertainment” & “King of Romance” as he thanks the KING for not just #KuchKuchHotaHai but his entire career❤️@iamsrk#25YearsOfKKHH #ShahRukhKhan #RaniMukerji #KaranJohar pic.twitter.com/O5oZ1Phl17

— Shah Rukh Khan Universe Fan Club (@SRKUniverse) October 15, 2023

اس فلم میں بالی ووڈ کے بادشاہ شاہ رخ خان، کاجول اور رانی مکھرجی کو ایک محبت کے تکون میں دکھایا گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/683662/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/683662/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں