شائستہ لودھی کا نام کسی تعرف کا محتاج وہ ایک بہترین میزبان، عمدہ اداکار ہونے کے ساتھ پیشے کے اعتبار سے ڈاکٹر ہیں۔ انہوں نے اپنے کیرئیر کا آغاز ایف ایم ریڈیو سے بطور وی جے کے کیا، اس کے بعد انہوں نے کئی نجی چینل پر مارننگ کی میزبانی میں خوب نام کمایا۔

شائستہ لودھی نے کئی سپر ہٹ ڈراموں میں بھی اپنی لاجواب اداکاری کے جوہر دکھائے ہیں ان میں وعدہ، خان، پردیس اور سمجھوتا شامل ہیں۔

شائستہ لودھی اب اسکن کیئر کے حوالے سے کافی مشہور ہورہی ہیں جو جلد کے کئی مسائل کا بہترین حل پیش کرتی ہیں، حال ہی میں شائستہ لودھی کو ایک شو میں بطور مہمان مدعو کیا گیا ہے جہاں انہیں بغیر میک اپ کے دیکھ کر سب حیران رہ گئے اور ان کی چمکتی جلد کے بارے میں پوچھا گیا تو ان کا کہنا تھا کہ جلد کی حفاظت ضرور کرنی چاہئے مؤسچرائیزر کا استعمال بھی کریں تاہم روزانہ منہ دھونے سے گریز کریں جب بھی منہ دھونا ہو پانی سے منہ کو دھوئیں صابن یا فیس واش کا استعمال نہ کریں اس کی وجہ یہ ہے کہ اس طرح چہرے کی حفاظت کرنے والا سیبم ختم  ہوجاتا ہے۔

سیبم ایک چکنا مادہ ہوتا ہے جسے جسم سیبیسیئس غدود سے تیار کرتا ہے یہ جلد کی سطح پر ایک حفاظتی تہہ کا کام کرتا ہے  جلد کو نمی بخشتا اور اسے بہت سے دیگر جلدی مسائل جیسے ایکنی اور مہاسوں سے تحفظ فراہم کرتا ہے۔

دن میں کئی بار کیمیکل سے بھرپور صابن اور فیس واش کا استعمال چہرے کی اس قدرتی چکنائی کو ختم کر دیتا ہے اس طرح جلد مزید خشک ہونے لگتی ہے اور خشک جلد کی وجہ سے اس پر عمر رسیدگی کے اثرات وقت سے پہلے نمودار ہونے لگتے ہیں۔ اس طرح جسم کو اس کی تلافی کے لیے زیادہ سیبم پیدا کرنا پڑتا ہے۔

اسی لیے کوشش کریں کہ چہرے پر ہفتے میں دو سے تین  بار فیس واش کا استعمال کریں تاہم حساس جلد والے افراد چہرے دھونے کے بارے میں کسی ماہر جلد سے رابطہ کریں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/690724/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/690724/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں