بالی وڈ اداکار ٹائیگر شروف بھی فلمساز روہت شیٹی کی ایکشن فلم ’سنگھم اگین‘ کا اہم حصہ بن گئے ہیں۔

ٹائیگرشروف نے انسٹاگرام میں ’اے سی پی ستیہ‘ کے طور پر اپنی پہلی جھلک شیئر کی ہے، ان کے ساتھی اداکاروں اکشے کمار اور رنویر سنگھ کی جانب سے ان کا ’سنگھم اگین‘ کی ٹیم کا حصہ بننے پر پرتپاک استقبال کیا گیا۔

روہت شیٹی کی سنگھم اگین میں اجے دیوگن، کرینہ کپور، رنویر سنگھ، اکشے کمار ، دیپیکا پڈوکون اور ٹائیگر شروف مرکزی کرداروں میں جلکوہ گر ہوں گے۔

 سوشل میڈیا پر یہ خبر بھی گردش کررہی ہے کہ روہت شیٹی کی بھارتی پولیس کے موضوع پر بننے والی اس فلم میں ’ارجن کپور‘ کو بھی شامل کر لیا گیا ہے تاہم اس حوالے سے کوئی اعلان ابھی تک نہیں کیا گیا۔

انڈسٹری کے ایک باخبر ذرائع کے مطابق ارجن کپور اس فلم میں ایک ولن کا کردار ادا کر رہے ہیں جوکہ ایک نہیں بلکہ 5 سپر پولیس آفیسرز – سنگھم، سمبا، سوریاونشی، اے سی پی ستیہ اور لیڈی سنگھم ( دیپیکا پڈوکون) کے خلاف ولن ہوں گے۔

ذرائع کے مطابق دیپیکا پڈوکون کو ’سنگھم اگین‘ میں اجے دیوگن کی بہن کے کردار کے لئے کاسٹ کیا گیا ہے۔

فلمساز روہت شیٹی کی سنگھم اگین میں اجے دیوگن کے ہمراہ دیپیکا پڈوکون بھی جرائم پیشہ افراد کے خلاف لڑتے ہوئے ایک بہادر خاتون پولیس آفیسر کے روپ میں نظر آئیں گی۔

اس فلم کی شوٹنگ کا آغاز ہو چکا ہے ، جسے دنیا بھر میں اگلے سال دیوالی کے تہوار پر ریلیز کیا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/711670/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/711670/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں