فہد مصطفیٰ پاکستانی شوبز انڈسٹری کا ایک جانا مانا نام ہیں، جنہوں نے بطورِ اداکار، میزبان  اور پروڈیوسر اپنی صلاحیتوں کا لوہا منوا کر ایک الگ مقام حاصل کر لیا ہے۔

فہد مصطفیٰ نے حال ہی اداکار و میزبان احمد علی بٹ کے پوڈ کاسٹ میں شرکت کی اور مختلف موضوعات پر کھل کر اظہار خیال کیا۔

اسی دوران میزبان نے ان سے پوچھا کہ کیا وہ ٹیلی ویژن ڈراموں میں واپسی کے لیے تیار ہیں؟۔

اس کا جواب دیتے ہوئے فہد مصطفیٰ نے کہاکہ انہوں نے اداکاری کو مکمل طور پر ترک نہیں کیا، جب ان کا دل چاہے گا تو وہ ضرور ٹی وی ڈرامے میں کام کریں گے۔

 ڈراموں میں اپنی واپسی کے حوالے سے مزید بات کرتے ہوئے ان کا کہنا تھا کہ انہوں نے اپنے شوبز کیرئیر کا آغاز ٹی وی ڈرامے سے ہی کیا تھا اور انہیں ذاتی طور پر ٹی وی پسند بھی ہے۔

پاکستان ٹی وی انڈسٹری کے سب سے مقبول گیم شو کے میزبان فہد مصطفیٰ نے بتایاکہ ڈرامے میں واپسی کے لئے انہیں کسی خاص اسکرپٹ کا انتظار یا ضرورت نہیں ، بس جو ان کے دل کو اچھا لگے گا وہ کر لیں گے۔

واضح رہےکہ حالیہ برسوں میں سب سے زیادہ ہٹ ٹی وی ڈرامے ان کی پروڈکشن کمپنی بگ بینگ انٹرٹینمنٹ کے تحت بنائے گئے ہیں، اس کی تازہ ترین مثال مقبول سیریل ’مائی ری‘ اور ’بیٹیاں‘ ہیں، جس میں اہم سماجی مسئلے کو اجاگر کیا گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/730841/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/730841/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں