بالی ووڈ اداکار سلمان خان کی ایکشن اور تھرلر سے بھرپور فلم ٹائیگر 3 کا شائقین کو بےصبری سے انتظار ہے جو کہ رواں سال دیوالی کے موقع پر ریلیز کی جائیگی۔

غیر ملکی میڈیا کے مطابق اداکار نے ایک شو میں شرکت کرتے ہوئے اپنی ایکشن سے بھرپور فلم کے متعلق بات کی اور بتایا کہ ٹائیگر 3 پچھلے تمام سیکوئلز سے زیادہ بہتر ہے۔

انہوں نے کہا کہ اس فلم میں ایسا کچھ ہے جو اداکار نے خود اپنے پورے کیریئر میں نہیں دیکھا ہے ۔

اداکار نے مزید کہا کہ اس فلم کو بہترین بنانے کے لئے ان سمیت تمام اداکاروں نے بھرپور محنت کی ہے اور شائقین کے درمیان اس فلم کے لئے جنون قابل تعریف ہے۔

دوسری جانب شائقین ایکشن سے بھرپور تھرلر فلم ٹائیگر 3 میں سپر اسٹار سلمان خان کی آئیکونک کردار کے طور پر واپسی کا بے صبری سے انتظار کر رہے ہیں جس کا ٹریلر 16 اکتوبر کو ریلیز کیا جائیگا جبکہ ’’ٹائیگر کا میسج‘ پہلے ہی سوشل میڈیا پر دھوم مچا چکا ہے ۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/775768/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/775768/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں