بالی وڈ کے سپراسٹار اجے دیوگن کی ہٹ فلم ’سن آف سردار‘ کا سیکوئل بنانے کا اعلان کر دیا گیا۔

 بھارتی میڈیا رپورٹس کے مطابق 2012 کی ایکشن اور کامیڈی سے بھر پور ہٹ فلم سن آف سردار کے سیکوئل کی شوٹنگ کا آغاز اگلے سال کیا جائے گا ، جس میں مرکزی کردار اجے دیوگن ہی ادا کریں گے۔

ذرائع کے مطابق سن آف سردار 2  میں مرکزی کردار کے علاوہ پوری نئی کاسٹ شامل کی جائے گی ، جس کےلئے ابھی ناموں کا فیصلہ نہیں کیا گیا۔

فلم کا اسکرپٹ اور پروڈکشن ابھی تکمیلی مراحل میں ہیں لیکن یہ بات طے ہے کہ دونوں فلموں کے درمیان واحد مماثلت اجے دیوگن کی ایک عقیدت مند سردار کی تصویر کشی ہوگی۔

 سن آف سردار میں اجے دیوگن  کے علاوہ سوناکشی، سنجے دت اور جوہی چاؤلہ اہم کرداروں میں جلوہ گر ہوئے تھے۔

اس فلم پر کئی اعتراضات بھی اٹھائے گئے تھے جن پر اجے دیوگن اور سکھ تنظیموں کے رہنماﺅں نے تفصیلی غور کرنے کے بعد فیصلہ کیا تھا کہ یہ فلم متنازع حصہ تبدیل کرنے کے بعد ریلیز کی جائے گی۔

واضح رہےکہ اس وقت اجے دیوگن  فلمساز روہت شیٹی کی فلم سنگھم اگین کی شوٹنگ میں مصروف ہیں ، جس میں ان کے ساتھ رنویر سنگھ اور اکشے کمار بھی اہم کرداروں میں جلوہ گر ہوں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/10/803418/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/803418/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں