پاکستان شوبز انڈسٹری کے مشہور و معروف اداکار عمران عباس اور اداکارہ سعدیہ خان نے مداحوں کو خوشخبری سُنادی ہے۔

حال ہی میں اداکار عمران عباس نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر اداکارہ سعدیہ خان کے ہمراہ چند تصاویر پوسٹ کیں جس میں ڈرامہ انڈسٹری کی اس مقبول جوڑی کو قدرتی مناظر سے لطف اندوز ہوتے ہوئے دیکھا جاسکتا ہے۔

اداکار نے پوسٹ میں اپنے مداحوں کو بڑی خوشخبری دیتے ہوئے کہا کہ “ہم بہت جلد دوبارہ یہاں واپس آرہے ہیں”۔

مداحوں کا کہنا ہے کہ وہ عمران عباس اور سعدیہ خان کو ایک بار پھر اسکرین پر بطورِ جوڑی دیکھنے کے لیے بےتاب ہیں۔

واضح رہے کہ رائٹر ہاشم ندیم کے مشہور ناول ’خدا اور محبت‘ پر مبنی ڈرامہ 2011ء میں نشر کیا گیا تھا جس میں عمران عباس اور سعدیہ خان نے مرکزی کردار ادا کیا تھا۔ بہترین کہانی کی وجہ سے ڈرامے نے خوب پذیرائی حاصل کی تھی تاہم 5 سال بعد یعنی 2016ء میں اس ڈرامے کو ایک بار پھر منفرد انداز کے ساتھ پیش کیا گیا تھا۔

پہلے سیزن کی طرح ڈرامے کے دوسرے سیزن نے مقبولیت کے کئی ریکارڈ اپنے نام کیے تھے جس کی بنیادی وجہ عمران عباس اور سعدیہ خان کی دل فریب اداکاری تھی جس نے لوگوں کو اپنی جانب مائل کرنے میں اہم کردار کیا تھا۔

ڈرامہ سیریز “خدا اور محبت” کے تیسرے سیزن میں فیروز خان اور اقرا عزیز کو بطورِ مرکزی کردار کاسٹ کیا گیا تھا لیکن اب عمران عباس کی پوسٹ دیکھ کر مداح اگلے سیزن میں پھر سے عمران عباس اور سعدیہ خان کو دیکھنے کے خواہشمند ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/822594/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/822594/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں