اکشے کمار آج بالی ووڈ انڈسٹری کے سب سے بڑے اور مصروف ترین اداکاروں میں سے ایک ہیں۔

1991 کی فلم سوگندھ سے آغاز کرنے اور 1992 کی فلم کھلاڑی میں شاندار کارکردگی کے بعد، اداکار کا تین دہائیوں پر محیط طویل اور شاندار کیریئر رہا ہے۔

غیر ملکی خبر رساں ادارے کے مطابق بالی ووڈ میں اپنے کیریئر کا آغاز کرنے سے پہلے اداکار کی زندگی بہت معمولی تھی۔

رپورٹ میں بتایا گیا ہے کہ اداکار نے دہلی کے ایک چھوٹے سے مکان میں اپنی زندگی گزاری ہے جس کے ایک ہی کمرے میں 24 افراد رہتے تھے۔

رپورٹ میں واضح کیا گیا ہے کہ اکشے کمار نے اپنے ایک انٹرویو میں اس حوالے سے بات کرتے ہوئے بتایا ہے کہ وہ چاندنی چوک میں ایک ہی گھر میں 24 لوگ رہتے تھے اور وہ سب ایک ہی کمرے میں سوتے تھے۔ صبح جب وہ ورزش کے لیے اٹھتے تو ایک دوسرے کے اوپر سے جانا پڑتا تھا۔

رپورٹ کے مطابق اداکار نے بتایا ان کی زندگی میں ایسا وقت بھی آیا ہے جب ان کے پاس پیسے نہیں تھے لیکن وہ وقت اطمینان اور سکون کا ہوتا تھا اور آج پیسے اور تمام آسائش ہونے کے باوجود بھی کبھی کبھی اکیلے ہونے کا احساس ہوتا ہے۔

رپورٹ میں مزید بتایا گیا کہ اسی انٹرویو میں اکشے نے اس وقت کو بھی یاد کیا جب وہ ساتویں جماعت میں فیل ہو گئے تھے اور یہ ان کی زندگی کا وہ لمحہ تھا جب انہوں نے اپنے والد کو بتایا تھا کہ وہ اداکار بننا چاہتے ہیں اگرچہ وہ اداکار نہیں بننا چاہتے تھے لیکن پھر بھی انہوں نے کہا کہ وہ ہیرو بننا چاہتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/893104/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/893104/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں