بالی وڈ کی باصلاحیت اداکارہ فاطمہ ثنا شیخ نے فلم ’دھک دھک‘ کی شوٹنگ کے دوران مرگی کے دوروں کے بارے میں پہلی مرتبہ کھل کر بات کی ہے۔

اپنے حالیہ انٹرویو میں فاطمہ ثنا شیخ نے بتایاکہ فلم ’دھک دھک‘ کی شوٹنگ کے دوران انہیں مرگی کے دورے پڑے، اب وہ صحت یاب ہو رہی ہیں اور کافی بہتر محسوس کر رہی ہیں۔

اداکارہ نے بتایاکہ وہ مرگی کی بیماری میں کافی وقت سے مبتلا ہیں ، اس لئے شوٹنگ کے دوران انہیں یہ کوئی بڑا واقعہ نہیں لگا، انہیں دورے پڑتے ہیں اور پھر وہ دوبارہ اپنا کام شروع کر دیتی ہیں لیکن شوٹنگ کے دوران ان کی ساتھی اداکاراؤں کے لئے یہ دیکھنا مشکل تھا۔

 فاطمہ ثنا شیخ نے بتایاکہ اس دوران اداکارہ دیا مرزا نے ان کا بہت خیال رکھا اور اس تکلیف کو زیادہ محسوس کیا۔

اداکارہ نے اپنی صحت کے حوالے سے مزید بات کرتے ہوئے کہاکہ فلم کی پوری ٹیم نے ان کا اس مشکل وقت میں بہت خیال رکھا ۔

اس سے قبل بالی وڈ اداکارہ دیا مرزا نے بھی فلم ’دھک دھک‘ کی تشہیری مہم کے دوران دئیے گئے انٹرویو میں بتایا تھا کہ فلم کے سیٹ پرفاطمہ ثنا شیخ کو مرگی کا دورہ پڑا، جس کی وجہ سے سب پریشان ہوگئے تھے تاہم فاطمہ ثنا کچھ دیر میں نارمل ہوکر شوٹنگ میں مصروف ہو گئی تھیں ۔

انہوں نے بتایاکہ پہاڑوں پرسفر کے دوران آکسیجن کی کمی تھی، راستے بھی بہت دشوارتھےجس کی وجہ سے اس صورتحال کا سامنا کرنا پڑا۔

دیا مرزا کا مزید کہنا تھا کہ اس موقع پر فلم کے عملے نے کافی مدد کی اور ایسا ہمیشہ ہوتا ہے کہ سیٹ پر موجود لوگ ایک دوسرے کو سنبھالتے ہیں۔

واضح رہےکہ فلم ‘دھک دھک’ میں مختلف عمروں کی چار پرعزم خواتین  کو دیکھا یاگیا ہے، جو اپنے خواب کی تکمیل کی خاطرموٹر سائیکل چلاتے ہوئے ’دہلی سے کھرڈونگ لا‘ تک کاغیر معمولی سفر کرتیں ہیں۔

ان خواتین کو بائیک چلا کر اپنے خواب اور منزل تک پہنچنے کےلئے جن مشکلات کا سامنا کرنا پڑتا ہے ، اس فلم میں ان کی بھی مکمل عکاسی کی گئی ہے۔

13 اکتوبرکو سینما گھروں میں ریلیز ہونے والی اس فلم میں دیا مرزا، فاطمہ ثنا شیخ، رتنا پاٹھک شاہ اور سنجنا سانگھی مرکزی کرداروں میں جلوہ گرہوئی ہیں۔

یہاں یہ بات بھی قابل ذکر ہے کہ منفرد کہانی بیان کرتی اس فلم کا حصہ بننے کےلئے ان چاروں اداکاراؤں نے خصوصی طور پر موٹر سائیکل چلانا سیکھی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/10/901347/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/10/901347/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں