بالی وڈ کی اداکارہ کیارا اڈوانی نے فلمساز روہت شیٹی کی فلم ’سنگھم اگین‘ میں دیپیکا پڈوکون کے  پولیس والے انداز پر اپنا ردعمل دیا ہے۔

بھارتی میڈیا رپورٹس کے مطابق کیارا اڈوانی نے اپنے انسٹاگرام  پر دیپیکا پڈوکون کی پوسٹ کو دوبارہ شیئر کیااور ساتھ ہی اس پوسٹر پر اپنا ردعمل دیتے ہوئے لکھا ’واہ‘۔

کیارا اڈوانی کا ردعمل سامنے آتے ہی دیپیکا پڈوکون نے بھی اس کا مثبت جواب دیتے ہوئے ان کے لئے پیار کا اظہارکیا۔

واضح رہےکہ اداکارہ دیپیکا پڈوکون فلم ’سنگھم اگین‘ میں ایک بہادر خاتون پولیس آفیسر کا اہم کردار ادا کرتی نظر آئیں گی۔

دیپیکا پڈوکون نے انسٹاگرام پر فلم سنگھم اگین کے اپنے  متاثر کن کردار پولیس آفیسر ’شکتی شیٹی‘ کا تعارفی روپ شیئر کیا ہے۔

اداکارہ کی یہ پوسٹ سوشل میڈیا پر ناصرف وائرل ہوگئی ہے بلکہ  دنیا بھر میں موجود ان کے کروڑوں مداحوں کے ساتھ ساتھ  بالی وڈ کے اداکار اور اداکارائیں بھی ان کے اس انداز کے لئے اپنی پسندیدگی کا اظہار کر رہے ہیں۔

دیپیکا پڈوکون کے شوہر رنویر سنگھ نے بھی ان کی اس پوسٹ کے کمنٹ سیکشن میں لکھا کہ ’آگ لگا دے گی‘۔

بھارتی میڈیا رپورٹس کے مطابق دیپیکا پڈوکون کو روہت شیٹی کی بھارتی پولیس کے موضوع پر بننے والی فلم ’سنگھم اگین‘ میں اجے دیوگن کی بہن کے کردار کے لئے کاسٹ کیا گیا ہے۔

فلمساز روہت شیٹی کی سنگھم اگین میں اجے دیوگن کے ہمراہ دیپیکا پڈوکون بھی جرائم پیشہ افراد کے خلاف لڑتے ہوئے ایک بہادر خاتون پولیس آفیسر کے روپ میں نظر آئیں گی۔

اس فلم میں اکشے کمار، اجے دیوگن، رنویر سنگھ، کرینہ کپور اور شویتا تیواری بھی شامل ہیں، جسے دنیا بھر میں اگلے سال دیوالی کے تہوار پر ریلیز کیا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/925669/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/925669/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں