بالی وڈ اداکارہ پلک تیواری کی ساڑھی میں دلکش تصاویرسوشل میڈیا پر وائرل ہوگئیں۔

اداکارہ نے اپنی کچھ تصاویر انسٹاگرام پر پوسٹ کی ہیں جو تیزی سے سوشل میڈیا پر وائرل ہو رہی ہیں جس میں انہیں پستائی رنگ کی ساڑھی میں دیکھا جا سکتا ہے۔

 اداکارہ کے اس لُک کو مداحوں کی جانب سے بہت پسند کیا جا رہا ہے۔

پلک تیواری کی تصاویر پر مداحوں کی جانب سے متعدد تعریفی کمنٹس بھی کیے جا رہے ہیں۔

شویتا تیواری کی بیٹی پلک تیواری نے حال ہی میں سلمان خان اور پوجا ہیگڈے کے ساتھ فلم ’’کسی کا بھائی کسی کی جان‘‘ میں اپنا ڈیبیو کیا ہے۔

دوسری جانب گزشتہ کچھ دنوں سے  پلک تیواری اور سیف علی خان کے بیٹے ابراہیم علی خان کے بیچ گہرے تعلقات کی خبریں سوشل میڈیا پر گردش کر رہی ہیں۔

یہ خبریں رواں سال کے آغاز پر جنوری میں سامنے آئیں تھیں جب ابراہیم کے ہمراہ پلک تیواری کو ممبئی کے پوش علاقے ‘باندرا’ میں گاڑی میں دیکھا گیا تھا۔

واضح رہے کہ مشہور بھارتی اداکارہ شویتا تیواری کی بیٹی پلک تیواری نے حال ہی میں بالی وُڈ میں قدم رکھا ہے اور انہیں اکثر سیف علی خان کے بیٹے ابراہیم علی خان کے ساتھ  دیکھا جا چکا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/10/952476/amp/ کو لائک کریں