اداکار پربھاس اکثر اپنے تعلقات کی افواہوں کی وجہ سے سرخیوں میں رہتے ہیں لیکن اب اداکار کی شادی کے حوالے سے اہم انکشافات کئے گئے ہیں۔

حال ہی میں اداکار کی خالہ، شیاملا دیوی نے پربھاس کی شادی کے متعلق انکشافات کرتے ہوئے کہا کہ وہ جلد ہی شادی کے بندھن میں بندھ جائیں گے۔

رپورٹ کے مطابق اداکار اپنی زندگی کو نجی رکھنا پسند کرتے ہیں اور اداراؤں کے ساتھ تعلقات کی افواہوں پر بھی کبھی کوئی ردعمل نہیں دیا ہے۔

ماضی میں، یہ خبر آئی تھیں کہ اداکار اپنے ساتھی اداکاراؤں کو ڈیٹ کر رہے تھے جس میں انوشکا شیٹھی اور کریتی سینن کا نام شامل تھا لیکن یہ صرف افواہیں ہی ثابت ہوئیں۔

اس سال کے آغاز میں آدی پورش کے لیے ایک پروموشنل ایونٹ کے دوران،  اداکار نے اپنی شادی کے بارے میں اپنے خیالات کا اظہار کرتے ہوئے بتایا تھا کہ وہ تروپتی میں شادی کریں گے تاہم انہوں نے یہ نہیں بتایا کہ وہ کس تاریخ یا کس شخص سے شادی کرنا چاہتے ہیں۔

اداکار پربھاس کی انتہائی متوقع فلم سالار رواں سال کرسمس کے موقع پر 22 دسمبر کو ریلیز کی جائیگی جو کہ شاہ رخ خان کی فلم ڈنکی سے باکس آفس پر ٹکرائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/959532/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/959532/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں