بالی وڈ کے سپراسٹار ہریتک روشن نے’کرش 4 ‘ بننے کے حوالے سے اشارہ دے کر مداحوں کو خوش کردیا ہے۔

شردھا کپور نے گزشتہ روز انسٹاگرام پر اپنی چند تصویریں شیئر کیں ، جن میں دیکھا جا سکتا ہے کہ وہ دھوپ میں بیٹھی ہوئی ہیں۔

ان کی اس پوسٹ کی سب سے خاص بات ان کی خوبصورتی کے ساتھ ساتھ سپراسٹار ہریتک روشن کا تبصرہ ہے جو انہوں نے ‘کرش 4’ کے حوالے سے کیا۔

شردھا کپور نے ان تصویروں کو پوسٹ کرتے ہوئے کیپشن میں لکھا کہ ’جادو جیسی دھوپ کی ضرورت ہے‘۔

ہریتک روشن نے ان کی یہ پوسٹ صرف پسند نہیں کی بلکہ اس پر ردعمل کا اظہار کرتے ہوئے لکھا کہ  “وہ آرہا ہے، اسے بتاؤں گا”۔

 اس پر اداکارہ نے حیرانی سے پوچھا ’حقیقت میں؟ کب اور کہاں‘۔

واضح رہےکہ 2003 میں ریلیز ہونے والی فلم ‘کوئی مل گیا’ میں جادو ایک فکشن کردار کا نام تھا جسے اپنی بقا کے لیے سورج کی روشنی کی ضرورت ہوتی ہے۔

اس فلم میں ہریتک روشن اور پریتی زنٹا نے مرکزی کردار ادا کیے تھے۔

واضح رہےکہ شردھا کپور بالی ووڈ کی سب سے زیادہ پسند کی جانے والی اداکاراؤں میں سے ایک ہیں، جنہوں نے تو جھوٹی میں مکار، بتی گل میٹر چالو، باغی، ہاف گرل فرینڈ، اسٹریٹ ڈانسر اور ایک ولن جیسی فلموں میں اپنی باکمال اداکاری سے سب کو متاثر کیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/980818/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/10/980818/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں