پاکستان میں جس کھیل کو سب سے زیادہ کھیلا اور پسند کیا جاتا ہے وہ کرکٹ ہے یہی وجہ ہے کہ اس کھیل کے کھلاڑی بہت ہی کم وقت میں نہ صرف منظر عام پر آجاتے ہیں بلکہ کرکٹ کے شائقین کے دلوں پر راج کرتے ہیں انہی میں شاہد خان آفریدی بھی شامل ہیں۔

 شاہد آفریدی کا شمار پاکستانی کرکٹ ٹیم کے ایک ایسے سپر اسٹار میں ہوتا ہے جنہوں نے کرکٹ کے میدان میں کئی بڑے کارنامے انجام دیئے ہیں۔ انہیں نوعمری سے ہی پسند کیا جاتا ہے، اور ان کے مداح  کھیل کے میدان میں ان جیسی کرکردگی کا مظاہرہ کرنے کی کوشش کرتے ہیں۔

شاہد خان آفریدی نے تقریباً 20 سال تک پاکستانی کرکٹ کی خدمت کی ہے۔ وہ دائیں ہاتھ کے لیگ اسپنر اور بلے باز تھے۔ آفریدی نے اپنی بیٹنگ اور بالنگ سے کئی ریکارڈ اپنے نام کیے۔ وہ بال کو ہٹ کرنے کے حوالے سے کافی شہرت رکھتے ہیں اسی لیے یہ گراؤنڈ میں بوم بوم آفریدی کے نام سے بھی جانے جاتے تھے۔ آفریدی کی جارحانہ ہٹنگ اور وکٹ لینے والی باؤلنگ کی مہارت کو تمام پاکستان سراہتا ہے۔ آفریدی نے کئی برس پہلے ریٹائرمنٹ لے لی تھی تاہم ان کے مداح انہیں ابھی بھی اتنا ہی پیار کرتے ہیں۔

شاہد آفریدی نے حال ہی میں ایک نجی شو میں اپنے انٹرویو کے دوران  اداکاری نہ کرنے کی وجہ بتاتے ہوئے کہا کہ انہیں دو تین فلموں کی آفرز ہوئی تھی، ان آفرز کا تعلق صرف پاکستان سے ہی نہیں بلکہ بھارت سے بھی تھا، یعنی دونوں ملکوں نے انہیں اپنی اپنی فلموں کام کرنے کی پیشکش کی تاہم، شاہد آفریدی کا کہنا تھا کہ ہمیں وہی کام کرنا چاہیے جو ہمیں اچھی طرح آتا ہو، کسی کو وہ کام نہیں کرنا چاہیے جو اس کے لیے نہ ہوں۔ میری پہچان کرکٹ تھی اور میں اپنی کرکٹ کی وجہ سے جانا جاتا تھا میرا جھکاؤ کرکٹ کی طرف تھا۔ نہ میں نے کبھی فلمیں کرنے کے بارے میں نہیں سوچا، اور نہ ہی میری فیملی نے، میں نے چند اشتہارات کیے اور اس میں اداکاری بھی کی لیکن میں نے کبھی فلم میں کام کرنے کے بارے میں نہیں سوچا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/11/139196/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/11/139196/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں​