پاکستان شوبز انڈسٹری کی اداکارہ اور ماڈل یشما گل کا کہنا ہےکہ انہیں سوشل میڈیا کی سستی شہرت پسند نہیں وہ اپنی کارکردگی سے منزل پانا چاہتی ہیں۔

اپنے حالیہ انٹرویو میں یشما گل نے کہا کہ ابتدائی طور پر انہیں اپنے کریئر میں تیز طرار قسم کے کردار ملے ، جس کی وجہ سے ان پر اسی قسم کے کرداروں کی چھاپ لگ گئی، تاہم اب انہیں مختلف کردار مل رہے ہیں ۔

انہوں نے کہاکہ شوبز کی دنیا رنگین ضرور ہے لیکن اچھا اور برا انسان اپنے اندر کی سوچ سے پروان چڑھتا ہے۔

اداکارہ نے مزید کہا آج کل اکثر نئی آنے والی اداکارائیں سوشل میڈیا کے بل بوتے پر کامیابی چاہتی ہیں تاہم انہیں ایسی سستی شہرت پسند نہیں وہ اپنی کارکردگی سے منزل پانا چاہتی ہیں۔

یشما گل نے کہاکہ سوشل میڈیا کی دنیا سے ہٹ کر فنکار کو ہرنوعیت کا کردار ادا کرنا پڑتا ہے تبھی وہ اپنے آپ کو منوانے میں کامیاب ہوتاہے۔

یہ بھی پڑھیں: یشما گل کا پسندیدہ اداکار کون ہے؟ اداکارہ نے بتادیا

واضح رہے کہ معروف اداکارہ نے ڈرامہ سیریل ’آزمائش‘، ’پیار کے صدقے‘، ’گستاخ‘ اور کئی مشہور ڈراموں میں اپنی اداکاری کے جوہر دکھائے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/11/193964/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/11/193964/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں