پاکستان شوبز انڈسٹری کے اداکار اور میزبان محب مرزا نے بالآخر اپنی دوسری شادی کا اعلان تاخیر سے کرنے کی وجہ بتا دی۔

محب مرزا نے اپنی دوسری شادی نامور اداکارہ صنم سعید سے کی ہے، ان کی پہلی شادی مشہور ماڈل و اداکارہ آمنہ شیخ سے ہوئی تھی اور ان کی ایک بیٹی میسا ہے۔

طلاق کے بعد اگرچہ آمنہ شیخ نے بھی دوسری شادی کرلی تھی، تاہم محب مرزا نے سابق اہلیہ کی شادی سے کئی ماہ بعد اپنی شادی کا اعتراف کیا تھا۔

محب مرزا کی صنم سعید سے شادی کی افواہیں تو سال 2021 میں ہی شروع ہوگئی تھیں لیکن کبھی دونوں نے کھل کر اس پر بات نہیں کی تھی لیکن مارچ 2023 میں دونوں نے فہد مصطفیٰ کے شو میں شادی کا اعتراف کیا تھا۔

حال ہی میں ایک نجی ٹی وی کے شو میں محب مرزا سے ایک مداح لڑکی نے سوال کیا کہ آپ نے صنم سعید سے شادی کے اعلان میں اتنی تاخیر کیوں کی؟۔

محب مرزا نے سوال ٹالتے ہوئے کہاکہ ’میری مرضی۔‘

اداکار نے مداح لڑکی سے کہا کہ آپ کیسے کہہ سکتی ہیں میں نے تاخیر سے اعلان کیا کیونکہ آپ کو کیا پتا ہے میری صنم سعید  سے شادی کب ہوئی؟۔

میزبان نے محب کو یاد دلایا کہ آپ نے ابھی حال ہی میں انٹرویو میں بتایا تھا کہ آپ کی صنم سے ملاقات ڈرامے کے سیٹ پر ہوئی جس پر محب کا کہنا تھا کہ اس سے کیا فرق پڑتا ہے اظہار محبت اور شادی دونوں میں فرق ہے۔

محب مرزا نے اس دوران وضاحت دیتے ہوئے کہاکہ صنم سعید سے تعلق کے لیے اپنی پہلی بیوی کو دھوکہ نہیں دیا، شادی ختم ہونے کے بعد صنم سعید سے قریبی تعلق ہوا، شادی میں 5 لوگ شریک ہوئے تھےاور ہمارا نکاح صنم سعید کے گھر پر ہوا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/11/216653/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/11/216653/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/11/216653/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/11/216653/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں