پاکستانی اداکار اور نامور کامیڈین نسیم وکی نے معروف بھارتی پروگرام ’کپل شرما شو‘ میں اپنا معاوضہ بتا کر سب کو حیران کردیا۔

نسیم وکی ایک باصلاحیت فنکار ہیں جنہوں نے پوری دنیا میں کام کرکے اپنی فنکارانہ صلاحیتوں کا لوہا منوایا ہے، ان کا شمار اس وقت ملک کے مشہور ترین کامیڈین میں ہوتا ہے اور وہ مصنف اور ہدایت کار بھی ہیں۔

انہوں نے ہندوستان میں بھی بہت کام کیا ہے اور نامور بھارتی پروگرام ’کپل شرما شو‘ میں ان کا دور بہت کامیاب رہا۔

نسیم وکی کافی عرصے تک ’کپل شرما شو‘ کا حصہ رہے ہیں اور ان کی پرفارمنس کو بھی  وہاں بہت پسند کیا جاتا تھا لیکن پاکستان اور بھارت کے درمیان تناؤ کی وجہ سے انہیں شو چھوڑنا پڑا۔

اپنے حالیہ انٹرویو کے دوران نسیم وکی نے اس بات کا انکشاف بھی کیا ہے کہ انہیں معروف بھارتی کامیڈی شو ’ کپل شرما‘ میں پرفارمنس کا کیا معاوضہ ملا کرتا تھا۔

انہوں نے بتایا کہ شو میں ان کو ایک قسط کے چار سے پانچ لاکھ بھارتی  روپے ملتے تھے جو اس وقت پاکستان کی کرنسی میں ڈبل (تقریباً دس لاکھ) بن جاتے تھے۔

نسیم وکی نے یہ بھی بتایاکہ سپر اسٹار شاہ رخ خان جب اپنی فلم کی تشہیری مہم کے سلسلے میں شو میں آئے تو انہیں پتہ چلا کہ نسیم وکی پاکستان سے ہیں تو انہوں نے تقریباً ایک گھنٹہ ان کے ساتھ گزارا۔

انہوں نے یہ بھی بتایا کہ لوگ یہ بات سن کر حیران رہ جاتے ہیں جبکہ اس میں حیرانگی کی  کوئی بات نہیں کیونکہ ہندوستانی ستارے بھی انسان ہیں اور وہ دوسرے اچھے لوگوں کے ساتھ اپنا وقت بانٹنا پسند کرتے ہیں۔

انٹرویو دیکھیں:

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/11/229507/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/11/229507/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں