کراچی میں ایک تقریب کے دوران اداکارہ ہانیہ عامر کے نام کے نعرے لگانے پر گلوکار عاصم اظہر نے طالبعلم کو کھری کھری سنا کر خاموش کروادیا۔

سال 2019 میں عاصم اظہر اور ہانیہ عامر نے فیشن ویک میں ایک ساتھ ریمپ واک کرکے تمام افواہوں کا مثبت جواب دیا تھا کہ وہ ایک دوسرے کو ڈیٹ کر رہے ہیں لیکن ایک سال کے بعد اداکارہ کی گلوکار عاشر وجاہت کے ساتھ ویڈیو وائرل ہونے پر سب بدل گیا۔

سال 2022 میں عاصم اظہر نے ماڈل و اداکارہ میرب علی سے منگنی کرلی اور اب ہانیہ عامر ان کا صرف ماضی ہیں۔

گزشتہ روز کراچی میں ایک تعلیمی ادارے میں منعقدہ تقریب کے دوران گلوکار عاصم اظہر شرکا کی جانب سے ہانیہ عامر کے نعرے لگانے پر غصے میں آگئے جس کی ویڈیو سوشل میڈیا پر وائرل ہوگئی۔

وائرل ویڈیو میں دیکھا جا سکتا ہےکہ اسٹیج پر موجود عاصم اظہر نے جیسے ہی بولنا شروع کیا تو حاضرین میں سے کچھ طالبعلموں نے ان کی سابق دیرینہ دوست ‘ہانیہ عامر’ کے نا م کی آوازیں لگانا شروع کردیں ۔

گلوکار نے اپنے شدید نوعیت کے غصے پر قابو پاتے ہوئے کہاکہ ‘کیا ہوگیا بیٹا؟ آئی بی اے ہی آئے ہو یا پاگل خانے آئے ہو؟’

ان کے ہمراہ بیٹھے میزبان یاسر حسین نے بھی کہاکہ ‘یہاں سارے پڑھے لکھے لوگ ہیں، برائے مہربانی ایسا نہ کریں، پرسکون رہیں، اس کے بعد کانسرٹ میں بھی جانا ہے، یا کانسرٹ منسوخ کرانا ہے؟

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/11/229813/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/11/229813/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں