پاکستان شوبز انڈسٹری کی نامور شوخ وچنچل اداکارہ ہانیہ عامر نے اپنے بازو پر کارٹون کریکٹر کا ٹیٹو بنوا لیا ہے ، جس کی تصویر سوشل میڈیا پر وائرل ہو گئی۔

ہانیہ عامر نے گزشتہ روز اپنے سوشل میڈیا اکاؤنٹ پر اپنی چند تصاویر شیئر کیں، جن میں ان کے بازو پر بنوایا گیا ٹیٹو کا فی نمایاں ہے۔

اس تصویر میں دیکھا جا سکتا ہے کہ یہ ٹیٹو مشہور زمانہ کارٹون سیریز ’پاور پف گرلز‘ کے سب سے بھولے کردار ’ببلز‘ کا ہے۔

ہانیہ عامر کا شمار پاکستان کی خوبصورت اور باصلاحیت اداکاراؤں میں ہوتا ہے، انہوں نے اپنے کیریئر کا آغاز فلم ’جانان‘ سے کیا اور پھر ٹی وی ڈراموں کا رخ کیا۔

ان کا شوبز کا سفر کئی کامیاب پروجیکٹس پر مشتمل ہے، وہ حال ہی میں ’مجھے پیار ہوا تھا‘ ڈرامے میں اپنے کردار کی وجہ سے کافی تنقید کی زد میں بھی رہیں۔

انہیں ڈرامہ ’میرے ہمسفر‘ کے باعث پاکستان کے ساتھ ساتھ بھارت میں بھی خوب شہرت اور پذیرائی ملی۔

ہانیہ عامرسوشل میڈیا پر بھی کافی متحرک رہتی ہیں اور اپنی روزمرہ زندگی کے حوالے سے اپنے  مداحوں کو آگاہ کرتی رہتی ہیں۔

یہ بھی پڑھیں: معروف بھارتی اداکارہ عرفی جاوید نے ہانیہ عامر کا اسٹائل کاپی کرلیا

اس سے قبل جب اداکارہ نے اپنے انسٹا گرام اکاؤنٹ پر ٹیٹو بنوانے کے ارادے اور پھر بازو پر ٹیپ لگی تصاویر شیئر کی تھی، تو سوشل میڈیا صارفین نے انہیں آڑے ہاتھوں لیتے ہوئے شدید تنقید کا نشانہ بنایا تھا۔

ٹیٹو کے حوالے سے ہانیہ عامر نے اس وقت کوئی واضح جواب نہیں دیا لیکن اب انہوں نے ایک واضح تصویر سوشل میڈیاپر شیئر کرکے تمام شک وشبہات دور کر دئیے۔

صارفین کا ردعمل: