پاکستان شوبز انڈسٹری کی مایہ ناز اداکارہ ہانیہ عامر کی نامور بھارتی ریپر اور گلوکار بادشاہ کیساتھ تصویر کی حقیقت اور ملاقات کی تفصیلا ت سامنے آگئی ہیں۔

سوشل میڈیا پر ہانیہ عامر اور بادشاہ کی ایک ساتھ کھینچی گئی تصویر کافی وائرل ہوئی، جس کے بعد یہ افواہیں گردش کرنے لگیں کہ ان دونوں کی ملاقات ہوئی ہے۔

بھارتی گلوکار بادشاہ نے اپنے ایک حالیہ انٹرویو اور سوشل میڈیا پر بھی اداکارہ ہانیہ عامر کے لیے اپنی پسندیدگی کا اظہار کیاتھا۔

بھارتی سوشل میڈیا پر بھی بادشاہ اور ہانیہ عامر کی ملاقات کی خبر اس ایک تصویر کی وجہ سے پھیل رہی ہے۔

اس حوالے سے انٹرنیٹ صارفین کی اکثریت کا کہنا ہے کہ یہ تصویر جعلی ہے اورفوٹوشاپ کے ذریعے بنائی گئی ہے لیکن اب ایک مداح نے تصدیق کی ہے کہ یہ سیلفی اصلی ہے۔

 مداح کی جانب سے شیئر کی گئی سیلفی میں بادشاہ اور ہانیہ عامر دبئی کے مال آف ایمیریٹس میں ساتھ دیکھا جا سکتا ہے۔

پاکستان کی نامور اداکارہ ہانیہ عامر اپنی خوبصورتی کی وجہ سے شوبز انڈسٹری میں کافی مشہور ہیں، انہوں نے متعدد ڈرامہ سیریلز میں اپنی اداکاری کا لوہا منوایا ہے۔

 سرحد پار بھارت میں بھی ہانیہ عامر کے مداحوں کی اکثریت ہے، حال ہی میں بالی وڈ اداکارہ عرفی جاوید نے بھی ان کےلئے اپنی پسندیدگی کا اظہار کیا تھا۔

ہانیہ عامر نے بھی بھارتی اداکارہ کو مثبت جواب دیتے ہوئے ان کے لئے دل کا ایموجی بناکر پیار کا اظہار کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/11/272620/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/11/272620/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں