آئی سی آئی ورلڈ کپ فائنل میں شکست کے بعد اداکارہ انوشکا شرما اور ان کے شوہر مایہ ناز بھارتی کرکٹر ویرات کوہلی کی افسردہ تصویر وائرل ہوگئی۔

گزشتہ روز آسٹریلیا نے ایک لاکھ سے زائد تماشائیوں کے سامنے بھارتی کرکٹ ٹیم کو چھ وکٹوں سے شکست دے کر چھٹی بار ورلڈ کپ اپنے نام کرلیا۔

ورلڈ کپ کے پورے ٹورنامنٹ میں ناقابل شکست رہنے والی بھارتی ٹیم فائنل میں بیٹنگ، بولنگ اور فیلڈنگ میں ناکام رہی۔

مسلسل عمدہ پرفارمنس دکھانے والے روہیت شرما، ویرات کوہلی اور محمد شامی بھی کل نہ چل سکے۔

احمد آباد کے نریندر مودی اسٹیڈیم میں بالی وڈ اداکارہ انوشکا شرما اپنے شوہر ویرات کوہلی کی حوصلہ افزائی کے لئے وہاں موجود تھیں۔

فائنل میچ میں ویرات کوہلی نے ذمہ دارانہ بیٹنگ کا مظاہرہ کرتے ہوئے 63 گیندوں پر 54 رنز اسکور کیے جس کے بعد انوشکا شرما خوش نظر آئیں۔

آسڑیلیا نے عمدہ بولنگ ، بیٹنگ اور فیلڈنگ کا مظاہرہ کرکے 241 رنز کا ہدف 4 وکٹوں کے نقصان پر 43 ویں اوورز میں پورا کرکے بھارت کو شکست سے دوچار کردیا۔

اس موقع پر اسٹیڈیم میں بیٹھے ایک لاکھ سے زائد تماشائیوں پر آسڑیلوی ٹیم کے گیارہ کھلاڑی بھاری پڑ گئے اور ہر طرف خاموشی چھا گئی۔

میچ کے اختتام پر شکست سے افسردہ انوشکا شرما نے اپنے شوہر ویرات کوہلی کو گلے لگا لیا ، جن کی یہ جذباتی تصویر اب سوشل میڈیا پر کافی وائرل ہو گئی ہے۔

اس تصویر میں یہ نامور جوڑا انتہائی افسردہ نظر آرہا ہے کہ جیسے سارے خواب ٹو ٹ گئے ہوں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/11/300442/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/11/300442/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں