بالی وڈ کے سپر اسٹار شاہ رخ خان کی آنے والی نئی فلم ’ ڈنکی‘ کا ٹیزر ان کی سالگرہ پر  ریلیز کیا جائے گا۔

بھارتی سوشل میڈیا رپورٹس کے مطابق شاہ رخ خان کل ( 2  نومبر) اپنے مداحوں کے ساتھ خصوصی تقریب میں سالگرہ منائیں گے اور ان کے ساتھ مل کر فلم ڈنکی کا ٹیزر بھی دیکھیں گے۔

ذرائع کے مطابق اس سال شاہ رخ خان اپنی سالگرہ کا جشن دھوم دھام سے منانے کا ارادہ رکھتے ہیں کیونکہ یہ سال ان کے کیریئر کا بہترین سال رہا۔

اس سال ان کی اب تک 2 فلمیں’جوان‘ اور ’پٹھان‘ بلاک بسٹر ثابت ہوئیں ، جنہوں نے باکس آفس پر مجموعی طور پر 2000 کروڑ روپے سے زیادہ کا بزنس کیا ہے۔

بھارتی میڈیا رپورٹس کے مطابق شاہ رخ خان کی مینیجر پوجا ددلانی سالگرہ کی تقریب کے انتظامات کے حوالے سے کافی سرگرم ہیں ، جس میں  بالی ووڈ انڈسٹری کی کئی معروف شخصیات کی شرکت کا بھی امکان ظاہر کیا جارہا ہے

بالی ووڈ کو تھری ایڈیٹس، پی کے، سنجو اور منا بھائی ایم بی بی ایس جیسی سپر ہٹ فلمیں دینے والے فلمساز راج کمار ہیرانی کی ہدایات میں بنے والی اس فلم ’ڈنکی‘ کی بین الاقوامی ریلیز کا بھی اعلان کر دیا گیا ہے جو کہ 21 دسمبر 2023  ہے۔

EXCLUSIVE: #Dunki to release on December 21 in international markets; #ShahRukhKhan and #RajkumarHirani and #JioStudios have BIG plans to make Dunki a global phenomenon – Here’s all you need to know! https://www.bolnews.com/urdu/entertainment/2023/11/386307/amp/

— Himesh (@HimeshMankad) September 26, 2023

اس فلم میں با صلاحیت اداکارہ تپسی پنو شاہ رخ خان کے مدمقابل جلوہ گر ہوں گی۔

واضح رہےکہ شاہ رخ خان کی یہ فلم رواں سال کرسمس کے موقع  22  دسمبر کو بھارت میں ریلیز کے لیے پیش کی جائے گی ۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/11/386307/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/11/386307/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں