بھارتی کرکٹ ٹیم کے کھلاڑی شبمن گل اور بالی وڈ اداکارہ سارہ علی خان کا نام کافی عرصے سے ساتھ جوڑا جا رہا ہے، جس کی حقیقت بالآخر سامنے آگئی۔

اسٹار نوجوان بلے باز شبمن گل کو کچھ عرصے قبل اداکارہ سارہ علی خان کے ساتھ ڈنر پر ساتھ دیکھا گیا تھا، جس کے بعد افواہیں گردش کرنے لگیں کہ دونوں ایک دوسرے کے ساتھ دیرینہ تعلقات میں ہیں۔

اب شبمن گل کا نام لیجنڈری بھارتی کرکٹر سچن ٹنڈولکر کی بیٹی سارہ ٹنڈولکر کے ساتھ بھی جوڑا جا رہا ہے۔

گزشتہ روز سے سارہ علی خان کا  ’کافی ود کرن‘  شو سے ایک کلپ سوشل میڈیا پر کافی وائرل ہو رہا ہے ، جس میں انہوں نے ان ساری افواہوں کا جواب دے دیا۔

اس مقبول ترین ٹاک شو کی آنے والی قسط کا ایک پرومو ویڈیو جاری کیا گیا ہے، جس میں سارہ علی خان اور اننیا پانڈے کو دیکھا جا سکتا ہے۔

کلپ میں سارہ علی خان نے اپنے اور کرکٹر شبمن گل کے تعلقات کی افواہوں پر بات کرتے ہوئے کہاکہ ’آپ کو غلط سارہ مل گئی ہے دوستو، ساری کی ساری دنیا غلط سارہ کے پیچھے پڑی ہے‘۔

واضح رہےکہ لیجنڈری کرکٹر سچن ٹنڈولکر کی بیٹی سارہ ٹنڈولکر اکثر ورلڈ کپ کے جاری میچوں میں شبمن گل کی حوصلہ افزائی کرتی نظر آتی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/11/416768/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/11/416768/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں