بالی ووڈ کی ہٹ فلم ‘دھوم’ کے ڈائریکٹر سنجے گدھوی دل کا دورہ پڑنے کے باعث چل بسے۔

بھارتی میڈیا کے مطابق 56 سالہ ڈائریکٹر سنجے گدھوی اپنی سالگرہ سے 3 روز قبل دل کا دورہ پڑنے کی وجہ سے دُنیا سے رخصت ہوگئے۔

رپورٹ میں بتایا گیا کہ جس وقت ڈائریکٹر سنجے گدھوی کو دل کا دورہ پڑا تو وہ لوکھنڈ والا میں اپنی رہائش گاہ پر ہی موجود تھے جبکہ اُن کی بیٹی سنجینا گدھوی نے اپنی والد کی موت کی تصدیق کی۔

سنجے گدھوی کی بیٹی کا بھارتی میڈیا سے گفتگو کرتے ہوئے کہنا تھا کہ میرے والد صبح کی واک پر گئے تو اُنہیں سینے میں درد ہوا، ہم اُنہیں اسپتال لے کر گئے لیکن گھر میں ہی اُن کی موت ہوچُکی تھی۔

ان کا کہنا تھا کہ میرے والد کو کوئی بیماری نہیں تھی، وہ بالکل صحت مند تھے، اُن کی اچانک موت نے ہمیں صدمے میں ڈال دیا ہے۔

یاد رہے کہ سنجے گدھوی کا شمار بالی ووڈ کے مقبول ترین ہدایتکاروں میں ہوتا ہے، اُنہوں نے اپنے کیریئر کی پہلی بالی ووڈ فلم ‘تیرے لیے’ ڈائریکٹ کی تھی، اُن کی بلاک بسٹر فلموں میں ‘میرے یار کی شادی ہے’، ‘دھوم’ اور ‘دھوم 2′ سمیت دیگر فلمیں شامل ہیں۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.bolnews.com/urdu/entertainment/2023/11/489009/amp/ کولائک کریں۔

ٹوئٹر پر ہمیں فالو کریں https://www.bolnews.com/urdu/entertainment/2023/11/489009/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔