پاکستان میں جب سے ماڈلنگ اور فیشن انڈسٹری کا آغاز ہوا ہے اسے اچھی نظر سے نہیں دیکھا جاتا ہے اور اس انڈسٹری کے حوالے سے معاشرے میں بہت سی غلط فہمیاں پائی جاتی ہیں۔ لوگوں کی بڑ تعداد ان ماڈلز کے بارے میں کچھ غلط فہمیاں اور عجیب و غریب خیالات اور آراء رکھتی ہیں جو مختلف برانڈز کے ساتھ کام کرتے ہیں یا جنہیں وہ کسی بھی برانڈ کے لیے اشتہاری مہم میں دیکھتے ہیں۔ ظاہر ہے اچھے اور برے لوگ ہر جگہ موجود ہوتے ہیں اور زندگی کی ہر چیز سے مثبت اور منفی پہلو جڑے ہوتے ہیں۔

رانا آصف جن کو صرف رانا کے نام سے بھی جانا جاتا ہے ایک پی آر اسپیشلسٹ ہیں اور ریئلٹی شو تماشا میں کام کرنے کے بعد اب وہ کافی مشہور ہوگئے ہیں۔ رانا کی شخصت کی سب سے خاص بات یہ ہے کہ وہ جو بھی محسوس کرتے ہیں کہہ دیتے ہیں اور بہت ہی صاف گو ہیں۔

 انہوں نے انڈسٹری کے تمام بڑے ستاروں کے ساتھ کام کیا ہے یہی وجہ ہے سب ہی لوگ انہیں جانتے ہیں۔ وہ گزشتہ کئی برسوں سے فیشن انڈسٹری سے وابستہ ہیں  اور انہوں نے مختلف بڑے برانڈز کے ساتھ بھی کام کیا ہے۔

رانا آصف کو حال ہی میں ایک مشہور پوڈ کاسٹ میں بطور مہمان مدعو کیا گیا تھا جہاں انہوں نے ماڈلنگ اور فیشن انڈسٹری کے حوالے سے کئی رازوں پر سے پردہ اٹھایا۔ انہوں نے انکشاف کیا کہ انڈسٹری کے بارے میں جو  غلط فہمیاں پائی جاتی ہیں کبھی کبھی ان کا سامنا ان سے بھی ہوجاتا ہے۔

  انہوں نے بتایا کہ انہیں ایک بار لاہور کے ایک بڑے برانڈ نے اپنی تقریب کے لیے بلایا۔ اور انہیں ایک بہترین ہوٹل میں ٹھہرایا جب یہ واپس جانےوالے تھے تب اس بڑے برانڈ کے نمائندوں نے ان سے پوچھا کہ کیا وہ کام کے بعد باس کے ساتھ پارٹی کے لیے دو ماڈلز کا بندوبست کر سکتے ہیں۔

رانا ان کی بات سن کر چونک گیے اور انہیں برے لفظ ادا کر کے  کہا کہ وہ صاف ستھرا کام کرتے ہیں اور وہ اس طرح کا گندہ کام نہیں کرتے انہوں نے اس برانڈ کے ساتھ معاہدہ ہی نہیں کیا اور واپس آگئے۔شو کے میزبان  احمد علی بٹ بھی یہ جان کر حیران رہ گئے کہ ایک بڑا برانڈ بھی ایسا کر سکتا ہے۔انہوں نے کہا جیسی یہ انڈسٹری باہر سے نظر آتی ہے ایسی نہیں ہے اصل سچائی اگر آپ سنے گے تو آپ کے رونگٹے کھڑے ہوجائیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/11/530966/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/11/530966/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں​