بالی وڈ کے سپر اسٹار اداکار اور کامیاب پروڈیوسر عامر خان نے بھارتی کرکٹ ٹیم کے سابق مایہ ناز آل راؤنڈر یوراج سنگھ کی زندگی پر فلم بنانے کا اعلان کیا ہے۔

بھارتی میڈیا کی رپورٹس کے مطابق عامر خان نے یوراج سنگھ کی زندگی پر فلم بنانے کے حقوق حاصل کرلئے ہیں،عنقریب سابق بھارتی آل راؤنڈر کی زندگی اور کرکٹ میں پیش آنے والے نشیب و فراز کو سینما کی بڑی اسکرین پر دکھایا جائے گا۔

ذرائع کے مطابق یوراج سنگھ کی زندگی ایک ہنگامہ خیز سفر پر مبنی ہے، جس میں کرکٹ کی شاندار کامیابیوں کے ساتھ ساتھ کینسر جیسے موذی مرض کے خلاف ایک دلیرانہ جنگ بھی شامل ہے۔

بھارتی میڈیا کا کہنا ہےکہ بطور پروڈیوسرعامر خان اس پروجیکٹ کو بنانے کے لیے تیار ہیں ،جوکہ فلم سازی کے اپنے پیچیدہ انداز اور کہانی میں جان ڈالنے کی صلاحیت کے لیے مشہور ہیں۔

رواں سال سپر اسٹار عامر خان نے اپنے نئے پروجیکٹ ’لاہور 1947‘ کا بھی اعلان کیا، جس میں مرکزی کردار سنی دیول ادا کریں گے۔

عامر خان پروڈکشنز نے اپنی نئی فلم ’لاہور 1947‘ کے حوالے سے یہ اہم اعلان انسٹاگرام پر کیا ہے۔

ذرائع کے مطابق اس فلم کے ہدایت کار راج کمار سنتوشی ہیں جبکہ عامر خان خود فلم میں اداکاری کے بجائے اس کی پروڈکشن کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/11/536968/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/11/536968/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں