روسی اداکارہ پولینا مینشخ تھیٹر میں پرفارمنس کے دوران یوکرین کی جانب سے کیے گئے حملے کی زد میں آکر ہلاک ہو گئیں۔

غیر ملکی میڈیا کے مطابق 19 نومبر کو اداکارہ مقبوضہ یوکرین میں ایک تھیٹر میں روسی فوج کے اہلکاروں کی چھٹی کے جشن منانے کی ایک تقریب میں پرفارمنس کے دوران یوکرین کی گولہ باری کا نشانہ بنیں۔

یوکرین کا کہنا ہے کہ اس حملے میں 20 کے قریب روسی فوجی مارے گئے ہیں تاہم روسی حکام نے اس پر کوئی تبصرہ نہیں کیا۔

رپورٹ کے مطابق جس وقت یوکرینی فوج کی جانب سے حملہ کیا گیا روسی اداکارہ  تھیٹر میں اسٹیج پر گانا گا رہی تھیں۔

حملے کی زد میں آکر روسی اداکارہ شدید زخمی ہوئیں اور پھر اسپتال لے جانے پر ان کی موت ہوگئی۔

 یوکرین کی فوج کے ترجمان نے برطانوی میڈیا سے بات کرتے ہوئے حملے کی تصدیق کی، یہ حملہ فرنٹ لائن سے تقریباً 60 کلومیٹر کے فاصلے پر کماچوؤ گاؤں میں ہوا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/entertainment/2023/11/626530/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/entertainment/2023/11/626530/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔