بالی ووڈ کے نامور گلوکار اور ریپر ہردیش سنگھ المعروف یویو ہنی سنگھ اور ان کی اہلیہ شالینی تلوار کے درمیان طلاق ہو گئی ہے۔

ہنی سنگھ نے شالینی تلوار سے جنوری 2011ء میں شادی کی تھی اور ستمبر 2022  میں دونوں نے عدالت میں طلاق کے لیے درخواست دائر کی تھی۔

شالینی تلوار نے عدالت میں درخواست دائر کی تھی کہ انہیں اپنے شوہر ( ہنی سنگھ) کی طرف سے ذہنی، زبانی اور جسمانی تشدد کا نشانہ بنایا گیا ہے۔

انہوں نے ہنی سنگھ سے 20 کروڑ روپے ہرجانے کا مطالبہ کرتے ہوئے ان پر مالی بدعنوانی کے الزامات بھی عائد کیے تھے۔

ہنی سنگھ نے شالینی تلوار کے الزامات کو مسترد کرتے ہوئے کہا تھا کہ انہیں شالینی تلوار کے الزامات سے سخت ذہنی تکلیف پہنچی ہے۔

بھارتی میڈیا رپورٹس کے مطابق اس جوڑے کا گھریلو تنازعے کے باعث دوسال سے طلاق کا کیس عدالت میں چل رہا تھا ، بالآخر دہلی کی عدالت نے اس کا فیصلہ سنا دیا ہے۔

ذرائع کے مطابق جج کی طرف سے سماعت کے دوران اٹھائے گئے ایک سوال پر ہنی سنگھ نے جواب دیا کہ اب میرا شالینی تلوار کے ساتھ رہنا بالکل ممکن نہیں ہے۔

جس کے بعد فیملی کورٹ کےجج پرمجیت سنگھ نے دونوں فریقین کے آپس میں تمام تنازعات ختم کرنے کے لیے ان دونوں کے درمیان طلاق کا حکم دے دیا۔

یہ بھی پڑھیں: بھارتی گلوکار ہنی سنگھ نے اداکارہ عرفی جاوید کو بہادر اور بے خوف قرار دیدیا

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/11/668145/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/11/668145/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں