آج ہم آپکو بتائیں گے کہ سال 2023 میں پاکستان میں سب سے زیادہ کس گلوکار کے گانے سنے گئے۔

عالمی خبر رساں ادارے کے مطابق اسپاٹی فائی نے سال 2023 میں پاکستان میں سب سے زیادہ سنے جانے والے گلوکاروں کی فہرست جاری کردی ہے۔

رواں برس کے اختتام پر پاکستانی گلوکار عاطف اسلم اور طلحہ انجم موسیقی کی دنیا میں اپنی صلاحیتوں کا لوہا منوانے میں کامیاب رہے ہیں۔

مجموعی طور پاکستان میں سب سے زیادہ اسٹریم کیے جانے والے گلوکار بھارتی ارجیت سنگھ ہیں۔

ان کے علاوہ پریتم، اے پی ڈھلن، عاطف اسلم، طلحہ انجم، ٹیلر سوئفٹ، نصرت فتح علی خان، آنجہانی موسے والا، راحت فتح علی خان اور عاصم اظہر بھی شامل ہیں۔

پاکستان میں گلوکاراؤں میں پسوڑی سے عالمی شہرت حاصل کرنے والی شائی گل اوّل نمبر پر ہیں۔ ان کے بعد مومنہ مستحسن اور عابدہ پروین کو سب سے زیادہ سنا گیا۔

فہرست میں قرۃ العین بلوچ، نصیبو لال اور آئمہ بیگ بھی شامل ہیں۔