پاکستان کے معروف یوٹیوبر اور وی لاگر سعد الرحمان عرف ڈکی بھائی کو دبئی کا گولڈن ویزا مل گیا ہے۔

ڈکی بھائی نے فوٹو اینڈ ویڈیو شیئرنگ پلیٹ فارم انسٹاگرام پر اس حوالے سے پوسٹ شیئر کرتے ہوئے اپنی اس کامیابی اور خوشی کو مداحوں کے ساتھ شیئر کیا۔

انہوں نے لکھا کہ ’یو اے ای کی حکومت کا تہہ دل سے مشکور ہوں کہ انہوں نے مجھے اس قابل سمجھا اور دبئی کے گولڈن ویزے سے نوازا‘۔

ڈکی بھائی کا شمار پاکستان کے صف اول کے یوٹیوبر ، وی لاگر اور نامور سوشل میڈیا کی شخصیت کے طور پر کیا جا تا ہے۔

انہوں نے نہایت کم وقت میں اپنے منفرد مواد کی وجہ سے سوشل میڈیا پر شہرت حاصل کی، جس میں روسٹ ویڈیوز، ڈس ٹریکس، اور مختلف موضوعات پر تبصرے شامل ہیں۔

ڈکی بھائی اپنے مزاحیہ اور اکثر متنازعہ انداز کی وجہ سے بھی خبروں میں رہتے ہیں، یوٹیوب پر ان کے چینل کو پانچ ملین سے زائد افراد نے سبسکرائب کیا ہوا ہے جبکہ انسٹاگرام پر ان کے فولوورز کی تعداد دو ملین ہے۔