پاکستان شوبزانڈسٹری کی شوخ وچنچل اداکارہ حرا مانی نے فیشن شو میں ’لالٹین‘ کیساتھ انٹری دی۔

حرا مانی کے نام سے کون واقف نہیں وہ پاکستانی ٹیلی ویژن کی ایک باصلاحیت اداکارہ ہیں، انہوں نے کئی سپرہٹ ڈراموں میں لازوال کردار ادا کیے ہیں یہی وجہ ہے کہ ان کے مداحوں کی تعداد لاکھوں میں ہے جو نہ صرف ان کی اداکاری کے معترف ہیں بلکہ ان کے آنے والے ڈراموں کے منتظر بھی رہتے ہیں۔

حرا مانی کے مشہور ڈراموں میں سن یارا، دو بول، کشف، بندش، آنگن، یقین کا سفر، میں ہاری پیا اور دل ماں کا دیا شامل ہیں۔

حرا مانی نے پاکستانی شوبز انڈسٹری کے  نامور میزبان اور اداکار ثاقب شیخ (مانی) سے شادی کی ہے جبکہ اس خوبصورت جوڑے کے دو پیارے سے بیٹے مزمل اور ابراہیم ہیں۔

گزشتہ روز حرا مانی نے برائیڈل کٹیور ویک پر نامور ڈیزائنر کے تیار کردہ عروسی لباس کے لیے ریمپ پر واک کی۔

سوشل میڈیا پر حرا مانی کی برائیڈل کٹیور ویک میں ریمپ پر واک کی یہ ویڈیو کافی وائرل ہو رہی ہے ، جس میں قابل ذکر بات ان کے ہاتھ میں پکڑی لالٹین ہے۔

سوشل میڈیا صارفین کو اداکارہ کا فیشن شو میں یہ انداز کچھ خاص پسند نہیں آیا، ان کے مداحوں کی جانب سے ملے جلے ردعمل کا سلسلہ جاری ہے۔

 یہ بھی پڑھیں: حرا مانی ایک بار پھر تنقید کی زد میں، مگر کس بات پر

حرا مانی عمدہ اداکارہ اور ماڈل ہونے ساتھ ایک خوبصورت آواز کی مالکن بھی ہیں اور یہی وجہ ہے کہ اب انہوں نے گلوکاری کا باقاعدہ آغاز کردیا ہے۔