نیلم منیر ایک خوبصورت اور باصلاحیت پاکستانی ٹیلی ویژن اور فلمی اداکارہ ہیں۔

حال ہی میں انہوں نے اپنے انسٹاگرام پر سوال و جواب کے ایک سیشن کے دوران اپنے مداحوں کے متعدد سوالات کے جوابات دیئے۔

بھارت سے آفرز ملنے کے حوالے سے بات کرتے ہوئے نیلم منیر نے کہا کہ انہیں بھارت سے ایک تامل فلم کی آفر ہوئی ہے۔

دوران سیشن ایک مداح کے سوال پر جواب دیتے ہوئے اداکارہ نے بتایا کہ میری کوئی دنیاوی خواہش نہیں ہے بلکہ آخرت کی تیاری کرنا ہے۔

اس دوران زندگی کے اہم مقصد کے بارے میں بات کرتے ہوئے نیلم منیر نے کہا، میں چاہتی ہوں کہ اللہ مجھے بخش دے اور مجھے جنت میں داخل کریں۔ میں اللہ سے ہدایت اور بخشش چاہتی ہوں۔

انہوں نے مزید کہا کہ اللّٰہ تعالیٰ مجھے بخش دیں، مجھ پر رحم فرمائیں، مجھے ہدایت دیں اور ان لوگوں میں شامل کرلیں جو اللّٰہ کو بہت پسند ہیں۔

نیلم منیر نے اپنے مامو کو کھونے کے بارے میں بھی کھل کر کہا جو اسے بہت عزیز تھے اور بتایا کہ ان کے مامو ان کے لیے ایک باپ کی طرح تھے اور وہ اس نقصان پر بہت غمزدہ ہیں۔