ناصر خان جان ایک معروف سوشل میڈیا اسٹار ہیں، جن کی وجہ شہرت ان کی مزاحیہ ویڈیوز ہیں ، انہیں اپنے منفرد انداز کی وجہ سے اپنا مواد وائرل کرنے کا ہنر آتا ہے۔

حال ہی میں سوشل میڈیا اسٹار ناصر خان جان نے انسٹاگرام پر اپنی ایک تصویر کے ساتھ عالمی شہرت کے حامل بالی وڈ سپر اسٹار شاہ رخ خان کی تصویر پوسٹ کی اور ساتھ ہی ایسا کیپشن لکھا کہ صارفین کی اکثریت سیخ پا ہو گئی۔

اپنی اس پوسٹ میں ناصر خان نے سوال کیاکہ ہم دونوں میں بس 19، 20 کا فرق ہے؟

پوسٹ منظر عام پر آنے کی دیر تھی کہ ایک بار پھر ناصر خان اپنی ہی پوسٹ پر مداحوں کی جانب سے مذاق بن گئے اور اس پوسٹ نے سوشل میڈیا پر تہلکہ مچادیا۔

صرف یہی نہیں بلکہ ناصر خان نے سپر اسٹار سلمان خان کے ساتھ بھی اپنی ایک تصویر پوسٹ کرکے پوچھا ہم دونوں میں سے کس کی مضبوط باڈی ہے؟

یہ بھی پڑھیں: ناصر خان جان نے فیملی کے ہمراہ عمرے کی سعادت حاصل کرلی

سوشل میڈیا صارفین کا سوشل میڈیا اسٹار کے اس انوکھے بیان پر انہیں ناصرف ٹرول کیا جا رہا ہے بلکہ ایک صارف نے تو یہاں تک لکھ دیا کہ اگر مذکورہ تصویر شاہ رخ خان کی نظر سے گزرگئی تو وہ پاکستان آکر تمہیں تھپڑ رسید کریں گے۔

حال ہی میں ناصر خان جان نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر کچھ تصاویر اور ویڈیوز پوسٹ کیں جس میں انہوں نے مداحوں کو یہ خبر دی کہ انہوں نے اپنی فیملی کے ہمراہ عمرے کی سعادت حاصل کرلی ہے۔