بالی وڈ کے سینئیر سپر اسٹار سنی دیول کی رات کے وقت سڑک پر نشے کی حالت میں گھومتے پھرتے ویڈیو سوشل میڈیا پر کافی وائرل ہوگئی ہے۔

بھارتی میڈیا رپورٹس کے مطابق اس وائرل ویڈیو میں دیکھا جا سکتا ہےکہ سنی دیول نشے کی حالت میں ممبئی کی ایک سڑک پر گھوم رہے ہیں۔

Sunny Deol kaha ghoom raha raat ko? pic.twitter.com/L3Yz5bLRhW

— . (@single_soul1) December 5, 2023

ویڈیو منظر عام پر آتے ہی سوشل میڈیا صارفین نے سنی دیول پر نشہ کرنے کا الزام عائد کرتے ہوئے ان پر شدید تنقید کی۔

ان افواہوں کے بعد سنی دیول بھی میڈیا میں آگئے اور انہوں نے سماجی رابطوں کی ویب سائٹ ایکس پر یہ ویڈیو پوسٹ کرتے ہوئے کیپشن میں لکھا کہ ’افواہوں کا سفر بس یہی تک۔‘

ذرائع کے مطابق مذکورہ ویڈیو سپراسٹار کی آئندہ آنے والی فلم ’سفر‘ کی شوٹنگ کے دوران ریکارڈ کی گئی۔

فلم کے پروڈیوسر وشال رانا نے اس حوالے سے بتایا کہ یہ ویڈیو رات کے ایک سین کی عکس بندی کے دوران ریکارڈ کی گئی لہٰذا جھوٹی خبر نہ پھیلائیں۔