بالی ووڈ انڈسٹری کے سپر اسٹار شاہ رخ خان نے اپنی آنے والی فلم ’ڈنکی‘ کو اپنی بہترین فلم قرار دیا ہے۔

کنگ خان اپنی آنے والی فلم ’ڈنکی‘ کی تشہیر کے لیے کافی سرگرم ہیں اور اس فلم کے متعلق انہوں نے کہا ہے کہ یہ فلم ان کے لیے بنائی گئی ہے۔

انہوں نے مزید کہا، “یہ میری فلم ہے۔ یہ فلم میرے دل کے بہت قریب ہے۔ جب میں پٹھان کر رہا تھا تو بہت سے لوگ جو فلموں کے بارے میں لکھتے ہیں، جو بظاہر فلموں کے بارے میں فلمسازوں سے زیادہ جانتے ہیں، وہ کہہ رہے تھے کہ میں کس قسم کے کردار کر رہا ہوں، اس لیے میں نے واقعی محسوس کیا کہ میں نے لڑکوں اور لڑکیوں کے لیے تو فلم بنا لی ہے لیکن میں نے اپنے لیے کچھ نہیں بنایا۔”

اپنے کامیاب سال کے بارے میں بات کرتے ہوئے، شاہ رخ خان نے کہا، “میں نے سال کی شروعات پٹھان کے ساتھ کی تھی، جس میں خواتین کو ترجیح دی گئی تھی، لیکن اس سال کا اختتام میں ایک ایسی فلم کے ساتھ کرنا چاہتا ہوں جو میرے لئے بنائی گئی ہو۔ “

انہوں نے مزید کہا، “ہر کسی کو فلم میں کچھ نہ کچھ ضرور سیکھنے کو ملے گا اور یہ فلم لوگوں کے چہروں پر مسکراہٹیں بھی بکھیرے گی۔”

پروموشن کے ایک موقع پر کنگ خان نے اپنی فلم ڈنکی کو تین الفاظ میں بیان کرتے ہوئے پہلے، “راج کمار ہیرانی”، کا نام لیا اور کہا کہ “یہ میری اب تک کی بہترین فلم ہے،” “براہ کرم 21 دسمبر کو اسے ضرور دیکھیں۔”

خیال رہے کہ راجکمار ہیرانی کی ہدایتکاری میں بننے والی فلم ’ڈنکی‘ رواں ماہ 22 دسمبر کو ریلیز ہونے والی ہے تاہم اس سے قبل ہی اس فلم کے گانوں اور ڈراپ اپس نے مداحوں کے دل جیت لئے ہیں۔