پاکستانی شوبز انڈسٹری کی باصلاحیت اداکارہ یمنیٰ زیدی کی ڈانس کی وائرل ہونے والی ویڈیو نے سوشل میڈیا صارفین کی توجہ حاصل کرلی ہے۔

حال ہی میں سوشل میڈیا پر ایک ویڈیو وائرل ہوتی نظر آرہی ہے جس میں ایک تقریب کے دوران اداکارہ کو ڈانس کرتے ہوئے دیکھا جاسکتا ہے ۔

ویڈیو میں اداکارہ کو لال رنگ کے لباس میں دیکھا جاسکتا ہے اور ان کے دیسی انداز کو صارفین کی جانب سے خوب پزیرائی بھی حاصل ہوئی ہے۔

خیال رہے کہ یمنیٰ زیدی اپنی باکمال اداکاری کے  باعث پاکستانی ڈرامہ انڈسٹری میں خود کو کامیاب اداکاروں کی لسٹ میں شامل کرنے میں کامیاب ہوئیں ہیں۔

دوسری جانب ڈرامہ انڈسٹری میں بھرپور کامیابی حاصل کرنے کے بعد سال 2024 کے آغاز پر اداکارہ  کی ڈیبیو فلم ’نایاب‘ ریلیز ہونے والی ہے جس میں وہ مرکزی کردار کے طور پر نظر آئیں گی۔

شائقین آنے والی فلم نایاب میں ان کے سلور اسکرین ڈیبیو کا بے صبری سے انتظار کر رہے ہیں، جہاں وہ اپنی ورسٹائل صلاحیتوں کا مظاہرہ کرنے کے لیے تیار ہیں۔ فلم کے ٹریلر نے پہلے ہی دھوم مچا دی ہے اور شائقین اس کی ریلیز کا بے صبری سے انتظار کر رہے ہیں۔