باصلاحیت پاکستانی اداکارہ، گلوکارہ اور ماڈل عائشہ عمر نے حال ہی میں اپنا ملبوسات کا برانڈ ’عائشہ عمر اسٹائل اسٹوڈیو‘ کے نام سے لانچ کیا ہے جس نے فیشن کی دنیا میں آغاز کے ساتھ ہی دھوم مچا دی ہے۔

اس حوالے سے ایک زبردست فوٹو شوٹ بھی کیا گیا ہے جس میں عائشہ عمر کا انداز، خوبصورتی اور ان کے برانڈ کے جوہر کو نمایاں کیا گیا ہے  جس نے مداحوں کے جوش و خروش اور توقعات میں اضافہ کردیا ہے۔

اداکارہ کے برانڈ کے متعلق بات کی جائے تو اس میں ہر قسم کے ملبوسات نظر آئے گے جس میں آرام دہ لباس سے لے کر گلیمرس لباس شامل کئے گئے ہیں جو یہ ثابت کرتا ہے کہ عائشہ عمر کا فیشن برانڈ ہر فرد کی ضرورت کو پورا کرتا ہے۔

خیال رہے کہ عائشہ عمر نے اپنی اداکاری کا آغاز پی ٹی وی کے مشہور ڈرامہ کالج جینز سے کیا تھا جس کے بعد وہ کئی معروف ڈراموں میں نظر آئیں اور شوبز کی دنیا کی ایک مشہور شخصیت بن گئیں۔

اس کے علاوہ اداکارہ میرے بچپن کے دن، یہ وقت ہے میرا، ہاٹ چاکلیٹ اور بیٹل آف دی بینڈز سمیت کئی رئیلٹی شوز کا بھی حصہ رہ چکی ہیں۔