پاکستان شوبز انڈسٹری کے صف اول کے اداکار فیروز خان کی سابق اہلیہ علیزہ سلطان کی  کرن اشفاق کو دوسری شادی پر مبارکباد توجہ کا مرکز بن گئی۔

گزشتہ روز پاکستان شوبز انڈسٹری کے صف اول کے اداکار و میزبان عمران اشرف کی سابق اہلیہ اداکارہ و ماڈل کرن اشفاق نے دوسری شادی کرلی، ان کی تقریب کی تصاویر اور ویڈیوز خوب وائرل ہو رہی ہیں۔

سوشل میڈیا پر وائرل ہونے والی ان تصاویر اور ویڈیوز میں دیکھا جاسکتا ہے کہ کرن اشفاق نے سفید رنگ کا خوبصورت لباس زیبِ تن کیا ہوا ہے۔

ان کی دوسری شادی کی خبر سامنے آتے ہی ان کے چاہنے والوں کے ساتھ ساتھ شوبز انڈسٹری سے تعلق رکھنے والے افراد بھی انہیں مبارکباد دے رہےہیں۔

کرن اشفاق کی اس پوسٹ پر نامور اداکار فیروز خان کی سابق اہلیہ علیزہ سلطان نے بھی انہیں مبارکباد دیتے ہوئے لکھا کہ ’اللہ پاک آپ کو نظر بد اور حسد سے بچا کر رکھے‘۔

ان کے اس کمنٹ پر کرن اشفاق نے مثبت ردعمل دیتے ہوئے لکھا کہ شکریہ بہن! اچھا لگتا اگر تم بھی آجاتی، اللہ تمھارا بھی نصیب اچھا کرے، آمین‘۔

واضح رہے کہ اداکار عمران اشرف نے ماڈل کرن اشفاق سے 2018 میں شادی کی تھی اور دونوں کا ایک بیٹا ہے جس کا نام ’روہم‘ ہے۔

جوڑے کی شادی اکتوبر 2022 میں طلاق پر ختم ہوگئی تھی۔