آج ہم آپ کو بتائیں گے کہ سال 2023 میں سب سے زیادہ ٹک ٹاک ویڈیوز کس کی دیکھی گئیں۔

ٹک ٹاک پر ایک نوجوان خاتون ’’ڈولی ‘‘کی ویڈیو نے 2023 کے دوران 504 ملین ویوز حاصل کیے ہیں۔  یہ ویڈیو ٹک ٹاک پر سب سے زیادہ دیکھی جانے والی ویڈیوز میں سے ایک سمجھی جاتی ہے۔

اس حوالے سے ٹک ٹاک کے آپریشنل منیجر آدم بریسر کا کہنا ہے کہ اس ویڈیو کو سراہنا ہی خاتون کو سراہنے کا بہترین طریقہ ہے۔

وائرل ہونے والی ویڈیو سیاہ فام سوڈانی نژاد امریکی خاتون کی ہے جن کا اکاؤنٹ ’ڈولی ویژن‘ کے نام سے ہے۔

ویڈیو میں خاتون نے اپنے فالورز کو بتایا ہے کہ کس طرح میک اپ کیا جاتا ہے، ویڈیو کے بیک گراؤنڈ میں ہلکی موسیقی ہے۔

اس خاتون کی عمر 23 سال ہے اور وہ سیاہ فام خواتین کو میک اپ اور کاسمیٹکس کے حوالے سے مشورے دیتی ہیں۔

سیاہ فام سوڈانی نژاد امریکی خاتون کے اکاؤنٹ پر اس وقت 27 لاکھ سبسکرائبر ہیں۔ سب سے زیادہ دیکھی جانے والی ویڈیو سال رواں کے موسم بہار میں اپ لوڈ کی گئی تھی۔