پاکستانی ڈرامہ انڈسٹری کی خوبصورت اور نوجوان اداکارہ صحیفہ جبار ویسے تو اپنے لُکس اور فیشن کی وجہ سے جانی جاتی ہیں لیکن آج کل وہ ایک حالیہ انٹرویو کی وجہ سے سوشل میڈیا کی زینت بنی ہوئی ہیں۔

حال ہی میں انہوں نے ایک پوڈ کاسٹ میں شرکت کی اور مختلف موضوعات پر کھل کر اظہار خیال کیا۔

ذاتی زندگی کے حوالے سے پوچھے گئے ایک سوال کے جواب میں صحیفہ جبار نے بتایاکہ وہ شادی سے قبل اپنے شوہر کے کلاس فیلو کو ڈیٹ کر رہی تھی، مگر اس نے انہیں دھوکہ دیا جس کا غم انہوں نے ایک سال تک منایا۔

اداکارہ نے کہاکہ اس کے بعد وہ سنبھل گئی اور جب خواجہ خضر حسین (شوہر) کیساتھ رشتہ ازدواج میں منسلک ہوئی تو انہیں بہت اچھا محسوس ہوا ۔

صحفہ جبار نے بتایاکہ وہ اپنے تمام سابق بوائے فرینڈز کی شادیوں کے دعوت نامے ملنے پر انہیں معاف کر کے بڑا دل رکھتے ہوئے ان کی شادی میں بھی خوب بن ٹھن کر خوشی سے شریک ہوئی۔

 صحیفہ جبار نے دسمبر 2017  میں اپنے دیرینہ دوست خواجہ خضر حسین سے شادی کی تھی۔

اس سے قبل ایک انٹرویو میں میزبان نے صحیفہ جبار سے پوچھا کہ اگر ان کو نامور فلم اور ڈرامہ رائٹر خلیل الرحمان قمر کے ساتھ ایک پروجیکٹ آفر کیا جائے تو کیا وہ اس کیلئے تیار ہوجائیں گی۔

اس سوال پر صحیفہ جبار نے کہاکہ اگر ان کو اس پروجیکٹ میں بڑی رقم آفر کی جائے اور پورے پروجیکٹ کے دوران ان کی خلیل الرحمان قمر سے ملاقات نہ ہو تو وہ ضرور پروجیکٹ پر دستخط کریں گی۔

یہ بھی پڑھیں: یاسر حسین کو اداکارہ صحیفہ جبار کی ہمشکل مل گئی

واضح رہےکہ ماضی میں  ایک انٹرویو میں صحیفہ جبار نے فلم اور ڈرامہ نگار خلیل الرحمان قمر کے خلاف انتہائی سخت زبان استعمال کرتے ہوئے انہیں ’ بیہودہ‘ بھی قرار دیا تھا۔

یہ بھی پڑھیں؛ تمام حدیں پار، اداکارہ صحیفہ جبار کی انتہائی بولڈ ’ویڈیو‘ وائرل